Tina Masafret

D Tina Masafret (* 12. Merz 1987 z Züri)^[1] isch e Schwyzer Schauspileri un Reschiseeri.

Lääbe

D Masafret isch am 12. Merz 1987 as Dochter vum Sportreporter Martin Masafret^[2] un dr US-amerikanische Singer/Songwriteri Lilly Martin uf d Wält chuu. Si het e jingere Brueder un isch z Herrliberg am Zürisee ufgwagse.^[3] Si het näb dr Schwyzer au di US-amerikanisch Staatsburgerschaft.^[1] Ase jung isch si ne erfolgrychi Chunschtdurneri gsii un het as Noowugsdurneri zum Schwyzer Nazionalkader ghert.

D Masafret isch aini vu dr Dailnämerne bi dr erschte Stapfle vu MusicStar anne 2003/04 gsii.^[2] Im Johr 2004 het si mit „Piero Esteriore & the MusicStars“ bim Eurovision Song Contest mitgmacht. 2007 het d absolvierte Masafret in New York am Lee Strasberg Theatre and Film Institute e Schauspiiluusbildig gmacht.^[1] Ab 2010 het si bim Schwyzer Produkzionsunternäme Condor Films z Züri gschafft, zletscht as Reschiseeri. In däre Funkzion het si unter anderen 2014 an 31 Episode vu dr Färnsehserie Tierische Freunde mitgschafft. Vorhär het si anne 2013 as Reschieeri, Draibuechautori uin Filmdeditori Episode vu dr Färnsehserie The Bad Girls and Boys School for Old People un Beobachter TV gmacht.

Anne 2015 isch si uf Los Angeles gange, wu si Rolle in Serie wie Counterpart oder Navy CIS: L.A. iberchuu het.^[2] Si isch mit Oscargwinnerm wie J. K. Simmons vor dr Kamera gstande un het in drei Film gspiilt, wu dr James Franco produziert het. 2019 het si im Film The French Teacher d Roll vu dr Lisa gspiilt.^[4]

Si het mit Acting Coach wie Larry Moss un Giles Foreman studiert. Bim Foreman het si näb ire schauspilerische Fähigkaite au Tächnike vu dr Bewegigspsichology verdieft.

Näbe verschidene Arbete in dr Filmbranche het si z Los Angeles au no as Dytschlehreri Noohilf gee. Im Merz 2020, am Aafang vu dr wältwyte Corona-Pandemy, isch si us dr USA retuurgange in d Schwyz, wel dodmol alli Arbeite in dr Filmbranche un au iri Noohilf uf Yys glait wore sin.

Uusgläseni Filmograf

as Schauspileril

2015: Fear Me Not (Churzfilm)
2016: Goodbye Vesna (Churzfilm)
2016: Dark Hours: Typee
2017: The 13th Jockey (Miniserie)
2017: Babbel; Mistranslated (Churzfilm)
2017: The Institute
2017: Dark Hours: Roxana
2017–2018: Counterpart (Färnsehserie, 2 Episode)
2018: Danger One
2018: Navy CIS: L.A. (NCIS: Los Angeles, Färnsehserie, Episod 10x10)
2019: The French Teacher

as Reschiseeri

2013: The Bad Girls and Boys School for Old People (Färnsehserie; au Draibuech un Filmschnitt)
2013: Beobachter TV (Färnsehserie, 2 Episode; au Draibuech un Filmschnitt)
2014: Tierische Freunde (Färnsehserie, 31 Episode)

Weblink

Tina Masafret in dr Internet Movie Database

Fueßnote

↑ ^1,0 ^1,1 ^1,2 d Tina Masafret uf Castforward.
↑ ^2,0 ^2,1 ^2,2 Michel Imhof: So hart ist Hollywood, Blick, 17. April 2019
↑ Sandra Casalini Tina Masafret ist zurück in Zürich: «Hier habe ich wieder Boden unter den Füssen», Schweizer Illustrierte, 18. April 2021.
↑ Kino&Co: The French Teacher.

Dä Artikel basiert uff ere fräie Übersetzig vu dere Version vum Artikel „Tina_Masafret“ vu de dütsche Wikipedia. E Liste vu de Autore un Versione isch do z finde.

[castforward-1] 1,0 ^1,1 ^1,2 d Tina Masafret uf Castforward.

[blick-2] 2,0 ^2,1 ^2,2 Michel Imhof: So hart ist Hollywood, Blick, 17. April 2019

[schweizer-illustrierte-3] Sandra Casalini Tina Masafret ist zurück in Zürich: «Hier habe ich wieder Boden unter den Füssen», Schweizer Illustrierte, 18. April 2021.

[4] Kino&Co: The French Teacher.

[1]

[2]

[3]

[4]