Urs Graf dr Jünger

Dialäkt: Baaseldütsch

Dr Urs Graf dr Jünger (* 1512 z Baasel; † vor em 8. Februar 1559 in dr Romagna) isch e Schwizer Goldschmiid und Räislöifer gsi.

Sis Lääbe

Dr Urs Graf isch 1512 z Baasel as Soon vom Urs Graf em Eltere uf d Wölt khoo. Er het bi sim Vater s Goldschmiidhandwärk gleert und het z Baasel as Goldschmiid afo schaffe. 1530 het si Stiefvater Thoman Wels sich für iin iigsetzt und vom Root vo dr Stadt Soledurn verlangt, ass er s Vermööge vom Graf sine Eltere wurd uusegee und d Goldschmiidwärkzüüg vom Grossvater Hug Graf, wo z Soledurn Goldschmiid gsi isch. Im Graf si Lääbenswandel isch wie dä vo sim Vater liederlig gsi und dorum het dr Graf si Lääbe lang e Vormund ghaa. Vo 1544 aa isch dr Goldschmiid Johann Rudolf Faesch si Vogt gsi.

1553 isch dr Urs Graf Bürger vo Soledurn worde. Säggs Joor spööter isch er in dr Romagna as Räislöifer gstorbe.

Litratuur

• Martin Rohde: Graf, Urs (der Jüngere). In: Historisches Lexikon vo dr Schwiiz.

Dä Artikel basiert uff ere fräie Übersetzig vum Artikel „Urs_Graf_der_Jüngere“ vu de dütsche Wikipedia. E Liste vu de Autore un Versione isch do z finde.