Usfahrt Oerlike

Usfahrt Oerlike isch de Titel vo mene Schwizer Spilfilm, wo de Paul Riniker drait hät.

Filmdate
Originaltitel	Usfahrt Oerlike
Produktionsland	Flagge von Switzerland Schwiz
Originalsprooch	Schwizerdütsch
Erschiinigsjoor	2015
Lengi	94 Minute
Altersfreigoob	FSK 14/12
Stab
Regie	Paul Riniker
Dräibuech	Christa Capaul, Jonas Schürch, Thomas Hostettler
Produktion	Rudolf Santschi
Muusig	Marcel Vaid
Kamera	Felix von Muralt
Schnitt	Christof Schertenleib
Bsetzig
Jörg Schneider, Hans Hilfiker Mathias Gnädinger, Willi Keller, Fründ vom Hans Beatrice Blackwell, Mary, Pflägeri vom Hans Leo Thomas, Sam, de Sohn vo de Mary Daniel Rohr, Beat Hilfiker, de Sohn vom Hans Stefano Wenk, Oliver, de Partner vom Beat Heidi Maria Glössner, Emilie Brütsch, Mitbewohneri Monica Gubser, Annemarie Zürcher, Mitbewohneri Vincenzo Biagi, Dieter, Mitbewohner Katharina von Bock, Direktorin vom Alterszentrum Klaus Henner Russius, de Dokter Vogel Sabine Timoteo, Ronja, Pflägeri uf de Chrankestation Lotti Happle, Nicole, Aerztin, Bekannti vom Willi Aaron Hitz, Thomas, Fründ vo de Nicole

Am 23. Januar 2015 hät de Film Prömiere a de 50. Solethurner Filmtäg und am 29. Januar i de Dütschschwiz sin Kinostart gha.

Inhalt

Em Hans sis gliebte Martheli isch sit zwoo Johr tot und jetzt chunt sin Hund Miller nüme läbig vom Tierarzt zrugg. Er mag immer weniger guet sin Hushalt im chline Hüsli z Oerlike erledige. Mit sim Sohn hät er käs guets Verhältnis. Nu sin johrelange Fründ und Musigkoleg, de Willi understützt en no. De Hans mue noch eme Schlegli in es Altershaim zum sich erhole. Jetzt werd die Männerfründschaft uf e herti Prob gstellt; de Hans verlangt vom Willi, er söll em es Mitteli bsorge, won em Hans hälfe söll, mögli rasch und schmärzlos us em Läbe z verschwinde.

Kritik

„Auch wenn der Erzählstrang manchmal harzt und die Story nicht immer aufgeht, ist der Film absolut sehenswert. Einerseits muss sich jeder früher oder später mit dem Tod und der Art, wie man aus dem Leben scheiden möchte, auseinandersetzen. Anderseits sind die beiden Hauptdarsteller eine Wucht.“

– Schweizer Illustrierte

Nochtrag

Bim draie vom Film «Usfahrt Oerlike» isch scho klar gsi, as de Jörg Schneider schwär chrank isch und me hät ghofft, as me de Film no vor sim Tod cha fertig mache. De Gnädinger sait im Film zum Schneider; „I stirb wohrschiinli vor Dir“. De Gnädinger isch am 3. April 2015, de Schneider am 22. Augschte 2015 gstorbe.

Uszaichnige

• «Prix du Public» a de Solethurner Filmtäg 2015

Weblink

• Usfahrt Oerlike, Informazione bi Frenetic Films
• Usfahrt Oerlike uf cineman.ch
• Usfahrt Oerlike uf IMDB