Viktor Emamuel II. vo Italie

Dr Viktor Emanuel II. vo Italie, italänisch Vittorio Emanuele II. resp. mit vollem Name Vittorio Emanuele Maria Alberto Eugenio Ferdinando Tommaso di Savoia (* 14. Merz 1820 z Turin; † 9. Januar 1878 z Rom) isch vo 1849 bis 1861 König vo Sardinie gsi. Er het zum Huus Savoye ghört, wo für d Einigung vom Königriich Italie iidrätte isch. Das isch vo de Freiwilligeverbänd under em Giuseppe Garibaldi in drei Unabhängigkeitschrieg verwirkligt worde. Am 17. Merz 1861 isch dr Viktor Emanuel II. z Turin zum König vo Italie usgrüeft worde. Bis zu sim Dod 1878 het er as e konstitutionelle Monarch dr Nationalstaat Italie regiert, wo Sardinie und Piemont Brovinze drvo gsi si.

Titel

Vo 1860 bis 1946 het de König vo Italie die Titel gfüert:

Sini königlichi Majestät Umberto II., vo Gottes Gnade und em Wille vo de Nation, König vo Italie, König vo Sardinie, Zypere, Jerusalem, Armenie, Herzog vo Savoye, Graf vo Maurienne, Marquis (vom Heilige Römische Riich) in Italie, Fürst vo Piemont, Carignano, Oneglia, Poirino, Trino, Fürst und Vikar vom Heilige Römische Riich, Fürst vo Carmagnola, Montmélian mit Arbin und Francin, Principe Balì vom Herzogtum Aosta , Fürst vo Chieri, Dronero, Crescentino, Riva di Chieri und Banna, Busca, Bene, Brà, Herzog vo Genua, Herzog vo Monferrat, Chablais, Genevois, Herzog vo Piacenza, Marquis vo Saluzzo (Saluces), Ivrea, Susa, Maro, Oristano, Cesana, Savona, Tarantasia, Borgomanero und Cureggio, Caselle, Rivoli, Pianezza, Govone, Salussola, Racconigi mit Tegerone, Migliabruna und Motturone, Cavallermaggiore, Marene, Modane und Lanslebourg, Livorno Ferraris, Santhià Agliè, Centallo und Demonte, Desana, Ghemme, Vigone, Graf vo Barge, Villafranca, Ginevra, Nizza, Tenda, Romont, Asti, Alessandria, vom Goceano, Novara, Tortona, Bobbio, Soissons, Sant'Antioco, Pollenzo, Roccabruna, Tricerro, Bairo, Ozegna, vo de Apertole, Baron vo de Waadt und de Faucigny, Herr vo Vercelli, Pinerolo, de Lomellina, vo Valle Sesia, vo Ceva, Oberherr vo Monaco, Roccabruna und vo Menton, edle Patrizier vo Venedig und Ferrara.

Familie

Am 12. April 1842 het er z Stupinigi d Erzherzogin Adelheid vo Östriich ghürotet, e Dochter vom Erzherzog Rainer vo Östriich, Vizekönig vo Lombardo-Venetie, wo e jüngere Brueder vom Kaiser Franz I. vo Östriich gsi isch.

Er het mit ere die Chinder gha:

Clothilda Maria (* 2. Merz 1843; † 25. Juni 1911) ∞ Napoléon Joseph Charles Paul Bonaparte (1822–1891), wo men em Plon-Plon gsait het
Umberto I. (* 14. Merz 1844; † 29. Juli 1900), König vo Italie
Amadeus I. Ferdinand Maria (* 30. Mai 1845; † 18. Januar 1890), König vo Spanie
Oddone Eugenio (* 11. Juli 1846; † 22. Januar 1866), Herzog vo Montferrat
Maria Pia (* 16. Oktober 1847; † 5. Juli 1911) ∞ 1862 Ludwig I., König vo Portugal
Carlo Alberto (* 2. Juni 1851; † 28. Juni 1854), Herzog vo Chablais
Vittorio Emanuele (*/† 7. Juli 1852), Brinz vo Savoye
Vittorio Emanuele (* 8. Januar 1855; † 17. Mai 1855), Herzog vo Chablais

In ere zweite morganatische Hürot isch er mit dr Rosa Vercellana verhürotet gsi; mit ihre het er zwei Chinder gha:

Vittoria (* 3. Dezämber 1848; † 29. Dezämber 1905), Gräfin de Simone,
Emanuele Alberto (* 26. Juni 1851; † 23. Dezämber 1894), Graf vo Mirafiori

Zuesätzlig isch er dr Vater von ere unehelige Dochter gsi:

Maria Pia (* 25. Februar 1866; † 19. April 1947) Gräfin Montecuccoli

Uszeichnige

Italiänischi

Usländischi

Literatur

Lorenzo Del Boca: Maledetti Savoia. Casale Monferrato: Piemme 1998
Pier Francesco Gasparetto: Vittorio Emanuele II. Milan: Rusconi 1984
G. S. Godkin: Life of Victor Emmanuel II. Macmillan 1880
Denis Mack Smith: Storia d’Italia. Rome-Bari: Laterza 2000, ISBN 88-420-6143-3
Denis Mack Smith: Vittorio Emanuele II. Milan: Mondadori 1995
Paolo Pinto: Vittorio Emanuele II: il re avventuriero. Milan: Mondadori 1997
Gianni Rocca: Avanti, Savoia!: miti e disfatte che fecero l'Italia, 1848–1866. Milan: Mondadori 1993

Weblink

Commons: Viktor Emanuel II. – Sammlig vo Multimediadateie

Victor Emanuel, König von Italien, gestorben am 9. Januar 1878 (Ziitigsbricht vo 1878) im dütschsprochige Wikisource

Friederike Hausmann: Der Regisseur Italiens (Porträt us dr Zeit 47/2002)

Vorgänger
- AMT NEU GMACHT

König vo Italie
1861-1878

Nochfolger
Umberto I.