Viktoria Fuchs
D Viktoria Fuchs (* 2. Augschte 1990[1]) isch e dytschi Chechi un Gaschtwirti.
Lääbe ändere
D Viktoria Fuchs isch e Dochter vum Karl-Josef Fuchs un stammt us ere Gaschtwirtsfamilie, wu in dr segste Generazion s Hotel Spielweg z Minschterdal im Schwarzwald fiert.[2] Si het 2008 im Reschtaurant „Hirsche“ z Sulzburg unter dr Laitig vu dr Douce Steiner Chechi glehrt. Derno het si unter anderem im „Le Canard“ z Hamburg vum Ali Güngörmüs un im Reschtaurant „Luce d’Oro“ uf Schloss Elmau gschafft. Anne 2015 het si zäme mit ire Schweschter Kristin dr Familiebedrib ibernuu, sii isch Chuchischefi vum Reschtaurant un iri Schweschter isch fir dr Service zueständig.[1][3] Wu im Merz 2020 im Zug vu dr COVID-19-Pandemy s Hotel un s Reschtaurant zytwys het mieße zuegmacht wäre, hän si dr Bedrib mit eme Abholservice un Versandpaket ufrächt ghalte.[4][5] D Viktoria Fuchs fiert d Chuchi vu irem Vater mit regionale Wildgricht wyter un kombiniert si mit asiatische Rezäpt.[6] Anne 2021 het s Reschtaurant e Griene Stärn vum Guide-Michelin fir „noohaltigi Gaschtronomy“ iberchuu.[7]
The Washington Post het anne 2019 iber e Tour dur d Destillerie vum Schwarzwald brichtet un do au ne Bsuech im Reschtaurant vu dr Viktoria Fuchs gnännt.[8] Anne 2022 isch d Fuchs in dr Siddytsche Zytig porträtiert wore.[9]
Si isch Mitglid vu dr Jeunes Restaurateurs, ere Verainigung vu junge dytsche Spitzechech*ene.[10]
D Fuchs isch as Chechi au scho in verschidene Färnseesändige ufdrätte, unter anderem bi VOZ in dr Chochshow Ready to beef!,[1][11] in Mälzer und Henssler liefern ab![12] un in Kitchen Impossible,[13][14][15][16] in dr ZDF-Chochsändig Die Küchenschlacht,[17] un uf Sat.1 in The Taste.[18]
Publikazione ändere
- Fuchsteufelswild: Das Wildkochbuch. Südwest Verlag 2020, ISBN 978-3-517-09917-0
Literatur ändere
- Stephanie Bräuer: Viktoria Fuchs, in: dies.: Frauen an den Herd! Wie Spitzenköchinnen die Sterne vom Himmel holen, Christian Verlag, München 2018, ISBN 978-3-95961-243-2, S. 40–49.
Weblinks ändere
Fueßnote ändere
- ↑ 1,0 1,1 1,2 Vox: Ready to beef: Viktoria Fuchs und Alexander Wulf treten im Staffelfinale gegeneinander an. 16. Dezember 2019, abgruefen am 15. Januar 2022.
- ↑ Badische Zeitung: Ein Erzbischof als Urlaubsgast - Münstertal - Badische Zeitung. Abgruefen am 24. Januar 2022.
- ↑ ZDF Drehscheibe: Köchin Viktoria: Familienbetrieb in 6. Generation. Abgruefen am 24. Januar 2022. (Video nicht mehr verfügbar)
- ↑ Stefanie Hiekmann: Bis Sie wieder zu uns dürfen, kommen wir zu Ihnen, FAZ, 31. März 2020 (paywall)
- ↑ Jessica Jungbauer: Coronakrise im Gastgewerbe. „Die große Herausforderung wird sein, nicht zu verzweifeln“, Spiegel, 7. April 2020
- ↑ Oliver Zelt: Wild auf Wild, Welt am Sonntag, 11. Oktober 2020, S. 66
- ↑ Frank Schoch: Restaurant Spielweg wird für nachhaltige Gastronomie ausgezeichnet, Badische Zeitung, 21. März 2021
- ↑ Liza Weisstuch: Following a trail of schnapps through Germany’s storied Black Forest, The Washington Post, 27 Oktober 2019
- ↑ Kathrin Müller-Lancé: Junge Spitzenküche. Im Wildwechsel, Süddeutsche Zeitung, 7. April 2022 (paywall)
- ↑ Wolfgang Fassbender: 10 internationale Spitzenköche, die 2020 prägen werden, Bellevue NZZ, 28. Dezämber 2019
- ↑ "Ready to beef": VOX verkündet ungewöhnlichen Starttermin und Verlängerung. Abgruefen am 24. Januar 2022.
- ↑ https://m.dwdl.de/?storyid=89151
- ↑ "Kitchen Impossible": Vierstündiges Pandemie-Special angekündigt.
- ↑ Christian Schröter, Christian Schröter: Abenteuerhungrig! »Kitchen Impossible« Staffel 7 mit Tim Mälzer ab 6. Februar 2022 sonntags um 20.15 Uhr bei VOX – Gütsel Online. 11. Januar 2022, abgruefen am 24. Januar 2022.
- ↑ "Kitchen Impossible": Tim Mälzer meldet sich mit siebter Staffel zurück - TV Wunschliste. Abgruefen am 24. Januar 2022.
- ↑ Abenteuerhungrig! "Kitchen Impossible" Staffel 7 mit Tim Mälzer ab 6. Februar sonntags um 20:15 Uhr bei VOX. Abgruefen am 24. Januar 2022.
- ↑ Die Küchenschlacht vom 28. Mai 2021. Abgruefen am 24. Januar 2022 (de-DE).
- ↑ The Taste - The Taste. 8. September 2021, abgruefen am 24. Januar 2022.
|
Dä Artikel basiert uff ere fräie Übersetzig vu dere Version vum Artikel „Viktoria_Fuchs“ vu de dütsche Wikipedia. E Liste vu de Autore un Versione isch do z finde. |