Hauptmenü ufmache

Vormerz

e historischi Epoche z Dütschland

Vormerz isch e Bezäichnig in dr dütsche Gschicht für d Epoche vor dr Merzrevoluzioon vo 1848 und isch geografisch beschränkt uf d Bundesstaate vom Dütsche Bund, wo 1815 gründet worde isch.[1]

S Hambacher Fest 1832, die bedütendsti politischi Demonstrazioon im Vormerz

Es git Historiker, wo au d Zit vom Wiener Kongräss bis zur franzöosische Julirevoluzioon vo 1830 drzue zelle, also d Zit vo dr Restaurazioon, aber mäistens mäint mä drmit d Perioode vo 1830 bis 1848. Dr Vormerz im ängere Sinn lauft paralleel zur Zit vo dr Regenerazioon in dr Schwiz.

Wie in dr Schwizer Regenerazioon si au im dütsche Vormerz dr Liberalismus und dr Nazionalismus ufchoo. S politische Klima im Dütsche Bund isch vo Verfolgig und Underdrückig kennzäichnet gsi. S sterkste Bollwärk vo dr konserwative Restaurazioon si d Mächt vo dr sogenannte Häilige Allianz gsi under dr Füerig vom Metternich. D Usenandersetzig vo de liberale Chreft mit em restaurative Oobrigkäitsstaat mit sinere herte Repressioonspolitik isch charakteristisch für was in dr Politik vo dere Epoche bassiert isch.

Dr Vormerz isch au e wichdigi Epoche in dr Kunst-, dr Litratuur-, und dr Kulturgschicht, aber mäistens brucht mä drfür d Begriff vom Biidermeier oder dr Romantik.

LitratuurBearbeite

  • Wilhelm Bleek: Vormärz. Deutschlands Aufbruch in die Moderne 1815–1848. C. H. Beck, München 2019, ISBN 978-3-406-73533-2.
  • Norbert Otto Eke: Einführung in die Literatur des Vormärz. Wissenschaftliche Buchgesellschaft, Darmstadt 2005, ISBN 3-534-15892-X.
  • Manfred Engel: Vormärz, Frührealismus, Biedermeierzeit, Restaurationszeit? Komparatistische Konturierungsversuche für eine konturlose Epoche. In: Oxford German Studies 40 (2011), 210–220.
  • Alexa Geisthövel: Restauration und Vormärz 1815–1847. Schöningh, Paderborn 2008, ISBN 978-3-8252-2894-1 (UTB Seminarbuch Geschichte, 2894).
  • Wolfgang Hardtwig: Vormärz. Der monarchische Staat und das Bürgertum. Deutscher Taschenbuch-Verlag, München 1985, ISBN 3-423-04502-7.
  • Dieter Langewiesche: Europa zwischen Restauration und Revolution 1815–1849. 4. Uflaag. Oldenbourg, München 2004, ISBN 3-486-49764-2 (Oldenbourg Grundriss der Geschichte, 13).
  • Sibylle Obenaus: Literarische und politische Zeitschriften 1830–1848. Metzler, Stuttgart 1986, ISBN 3-476-10225-4 (Sammlung Metzler, 225).

WeblinggBearbeite

  • Iidrag über Vormärz in: Austria-Forum, em öschteriichische Wissensnetz – online  (uf AEIOU)

FuessnooteBearbeite

  1. Vgl. Langewiesche, Dieter: Europa zwischen Restauration und Revolution 1815–1849, S. 1: „die Begriffe Restauration, Vormärz und Biedermeier, mit denen die Verhältnisse im Bereich des Deutschen Bundes meist benannt werden“