Wenge

Wengen
	Wappe vo Wengen
Basisdate
Staat:	Schwiiz
Kanton:	Bärn (BE)
Verwautigschreis:	Interlaken
Gmeind:	Luuterbrunne
Poschtleitzahl:	3823
UN/LOCODE:	CH WNG
Koordinate:	637071 / 161752Koordinate: 46° 36′ 22″ N, 7° 55′ 21″ O; CH1903: 637071 / 161752
Höchi:	1'274 m ü. M.
Flächi:	36,4 km²
Iiwohner:	1239 (31. März 2009)
Website:	www.lauterbrunnen.ch
	Wengen im Winter vom Männlichen aus gesehen Wengen im Winter vom Männlichen aus gesehen
Charte
	Charte vo Wengen

Wengen isch es Dorf im Bärneroberland. Äs ghört zur Talschaft Luterbrunne, wo näbe Wenge und Luterbrunne ou no Gimmelwald, Mürren und Iseflueh und Stächelberg drzue ghört. Ammerte und Trachsellouene si früecheri Sidlige im Talhindergrund, wo scho lang nümme bewohnt si.

Geografi

Wengen isch's gröschte Dorf ir Gmeind Luterbrunne und het ganzjährig öppe 1300 bis 1400 Iwohner, im Summer über 5000 und im Winter über 10'000 Bewohner. Me gseht dra, dass dr Turismus d'Houptinahmquelle vom Dorf isch.

Zu Wenge ghört d'Jungfou, eine vo de schönschte Bärge vor Wält, und drmit ghört Wenge zum UNESCO Weltnaturerbe Jungfrau.

Uf Wenge chunnt me am beschte mit em Zug. Me cha ou z'Fuess ufe go, aber d'Outo finde kei Schtrass.) D'Bahn fahrt vo Luterbrunne über Wenge bis zur chlyne Scheidegg.

Wichtig z'Wenge isch s'Louberhornrenne vor FIS im Jänner, d'Mendelssohn-Musigwuche im Ougschte, die reformierti Chile vo 1953, wo unger Dänkmalschutz schteit u die eigeti Schuel mit öppe 80 Ching u 10 Lehrerinne und Lehrer.

Gschicht

Ire Handschrift vo 1268 schteit "uf Wengen". Dr Name isch auso so wie-n-er hüt gschribe und usgschproche wird rächt alt. D'Pescht het Wenge 1669 erreicht und dr Turismus im 18. Jahrhundert. Sit 1893 chame uf Wenge mit em Zug fahre. Vorhär het me müesse loufe oder sich la träge. I de Jahr vom zwöite Wältchrieg si z'Wenge amerikanischi und änglischi Flüger und polnischi Soldate interniert gsi.

Büecher

Äs git bis hüt drü Talschaftsbüecher vo Luterbrunne und e moderni Fortsetzig drzue, es paar Bildbänd und es Büechli über d'Schuel.

Weblink

Commons: Wengen – Sammlig vo Multimediadateie