Wettiger Nochrichte
D Wettiger Nochrichte sind es Onlinenochrichteportal, wo Neuigkeite us de aargauische Gmeind Wettige uf Mundart verbreited. S Portal gids sit Aafang April 2012,[1] wobi es erst sit em 2014 breiter wahrgnoh und gläse wird.
Gschicht ändere
Wer d Website für d Wettiger Nochrichte im 2012 als Wordpress-Blog aaglegd hed, isch ned bekannt. Artikel über Wettige gits sit em Auguscht 2014,[2] wo d Betriber gliichzitig d Site über es Facebook-Profil bekannt gmached hend. Meh wie 2'000 Bsuecher hend im 2014 über 4'000 Site aaglueged. Im 2015 sind s denn über 7'000 Bsuecher mit meh wie 12'000 Siteufrüef gsi.[3] 2015 isch au drum wichtig gsi, wil de oder die bisherige Betriber mitteiled hend, dass sie s Projäkt nüm witer chönne betriibe. D Nachfolg hend dann de Fabi Schmid und de Lutz Fischer aaträte, wo vorher scho immer wider Föteli für d Wettiger Nochrichte glifered und au en YouTube-Kanal ufboued hend gha.[4] D Zugriffszahle sind au im 2016 witer gstige, so dass me scho am 19. April 2016 wider bi de Zahle vom Vorjohr gläge isch.[5]
Im Früehlig 2017 isch de Markus Haas zum Redaktionsteam dazuegstosse, het aber wege sinere Wahl in de Gmeindrot uf s Johresänd 2017 sin Ustritt us de Redaktion müesse bekannt geh.[6] Am 31. Dezember 2017 hend d Redaktore mitteild, dass d Site zum noie Johr vo .net uf .ch zügled; di alte Biiträg chönnd aber under der alte Adresse witer gläse wärde.[7]
Im März 2019 hend d Wettiger Nochrichte is Limmattal expandiird und betriibed sither au es Nochrichteportal, wo «Limmattaler Nochrichte» häisst.[8]
Weblink ändere
- wettiger-nochrichte.ch (bis zum 31. Dezember 2017 wettiger-nochrichte.net)
- YouTube-Kanal vo de Wettiger Nochrichte
- «Diä zwee Manne schriibe en Onläin-Zittig uf Mundart», Bricht vom Regionaljournal vo Radio SRF 1 vom 25. Februar 2019
Fuessnoote ändere
- ↑ De ersti Iitrag isch vom 2. April 2012 (Site cha nüme abgrüeft wärde; Suche im Webarchiv)
- ↑ Artikel vom Auguscht 2014 (Memento vom 21. Augschte 2019 im Internet Archive) uf wettiger-nochrichte.net
- ↑ D Wettiger Nochrichte sind Dank oich en Erfolggschicht vom 19. April 2016. Archiviert vom Original am 19. April 2016; abgruefen am 8. Juni 2016.
- ↑ Wettiger Nochrichte: Über öis. Archiviert vom Original am 24. Oktober 2016; abgruefen am 8. Juni 2016.
- ↑ D Wettiger Nochrichte sind Dank oich en Erfolggschicht vom 19. April 2016. Archiviert vom Original am 19. April 2016; abgruefen am 8. Juni 2016.
- ↑ Markus Haas us em Redakoreteam verabschiidet (Site cha nüme abgrüeft wärde; Suche im Webarchiv)
- ↑ Mir zügled vo .net uf .ch (Site cha nüme abgrüeft wärde; Suche im Webarchiv)
- ↑ «D Limmattaler Nochrichte sind online!» Archiviert vom Original am 13. Mai 2019; abgruefen am 13. Mai 2019.