Wikipedia Diskussion:Schreibwettbewerb/2019

Chlyni Fraag

Chlyni Fraag: Was hät de Rudolph Bolo Mäglin mit Liechtestäi z tue? LG, --Freiguet (Diskussion) 01:32, 10. Nov. 2019 (MEZ)

Nyt. Ich nimm mo aa, ass dr Luba mclean ibersääne het, ass unser Schryybwettbewäärb unter eme bstimmte Teemaa uusgschriiben isch. --Holder (Diskussion) 21:53, 12. Nov. 2019 (MEZ)

Ich haa där Artikel jetz mol in d Rubrik usser Kunkerränz gstellt. --Holder (Diskussion) 21:56, 12. Nov. 2019 (MEZ)

Schaad – er hett myni Stimm überchoo … --Freiguet (Diskussion) 00:20, 13. Nov. 2019 (MEZ)

Freiguet, du chasch em ainewäg no dy Stimm gee, no chunnt er villicht e Sunderbryys iiber ... --Holder (Diskussion) 06:22, 13. Nov. 2019 (MEZ)

Hey dangge Freiguet! Und tschuldigung, i kenn mi nonig us mit dene Wettbewärb und ha dänkt das wär luschtig do mitzmache. Das mit Liechteschtei hani definitiv überseh ;). Liebe Gruess --Luba mclean (Diskussion) 22:49, 17. Nov. 2019 (MEZ)

Der Artikel über Liechtestäi

S isch ja wie-n-en schlächte Witz: Dëë Wettbiwëërb hät s Theema Liechtestäi, und es wëërded au luuter schööni Artikel gschribe, wo im Zämehang mit dëm Land stönd – aber der Artikel über s Land sälber isch so mager plibe wie vorane. Nöd emaal di nöien Artikel hät mer deeten ypoue und verlinkt! Ich han jetz emaal e paar «Nootergänzige» gmachet, aber es gëëb na vil z tue. Äigetli wëër daas di füürnëëmscht Uufgaab vo dëm Wettbiwëërb gsy. En Gruez vom äim, wo sälber weder Zyt zum Schrybe vo groossen Artikel na irged-en Bizuug zum Theema ghaa hät, wo sich aber glych trout, daas z säge: --Freiguet (Diskussion) 14:46, 4. Dez. 2019 (MEZ)

Jo, stimmt! Ich schlaa voor, as mer bim negschte Wettbewäärb soonigi fiirnämi Ufgaabe an konkreti Persoone vergän, wu si derno halt e Bezuug zum Theema mien ufböue.   --Holder (Diskussion) 15:34, 4. Dez. 2019 (MEZ)

  --Freiguet (Diskussion) 17:02, 4. Dez. 2019 (MEZ)

Stichwahl

Wie scho d Zahl vu dr Lyt, wu Artikel gschribe, zimli ibersichtli gsii isch, hän bis jetz au nit bsundersch vyl Lyt abgstumme. Im Momänt hämer drei Nominierige mit je drei Stimme. Wänn s do nit no ne aidytig Ergebnis git, schlaan i vor, ass mer wie s letscht Johr wider e Stichwahl mache. --Holder (Diskussion) 08:14, 21. Dez. 2019 (MEZ)

… oder di ganz Abstimig abblaased – s isch a scho chli en Fruscht, das Desinträssi … --Freiguet (Diskussion) 01:17, 22. Dez. 2019 (MEZ)

Wenn i s richtig gseh, sind alli drüü Artikel vom glyche Hauptautoor, und me darff jetz eifach mol däm für das grosse Engagement gratulieren und danke sääge. Meh bruucht s eigentlich nümm. --Arkelin (Diskussion) 19:17, 22. Dez. 2019 (MEZ)

Also gut, no blybt s eso. Dr Autor vu däne drei Artikel sait 'merci vylmol' un fir s negscht Johr sotte mer is mol iberlege, eb mer dr Schrybwettbewärb villicht andersch ufzien. --Holder (Diskussion) 15:05, 23. Dez. 2019 (MEZ)

Hoi zäme, ich ha myni Beteiligung a de Uuswärtig leider usegschobe, denn isch es aber scho z schpaat gsi. Das hend ier nid wüsse chönne. Schad, es hätti drum suscht es eidüütigers Resultat gäh. Gratulation em Holder und ich bi au für evtl. Änderige bim nächschte Schrybwettbewärb. --Pakeha (Diskussion) 21:43, 29. Dez. 2019 (MEZ)

Ich würdi für näggscht Joor vorschlo, dass mer vilycht eifach kei bstimmts Thema mee vorschryybt, sùndern e jede Artikel, wo in derre Zyt neu aaglait oder ganz überschafft worde isch, cha nominiert werde. Defür miesste d Artikel halt explizit vo öberem nominiert werde (em Autor sälber oder öberem andre). Wänn ich persönlig über d Joor bimene Schryybwettbewärb kei Artikel gschriibe ha, no het des näbe Zyt- oder Motivationsmangel zum Deil au dra gläge, dass i kei eso Freud zum Byspil aa Biografi-Artikel ha oder mich nit bsùnderscht für Gebäud intressier. I denk, es macht au viilene Lüüt d Abstimmig rächt ùffwändig, wänn eso viili Artikel zur Waal stöön, wo viili devo nit würkli ernschthafti Konkuränte sin. --Terfili (Diskussion) 23:19, 30. Dez. 2019 (MEZ)

D Froog isch, was ebe s Zyyl vu däm Schryybwettbewäärb soll syy.

Wämer Lyt motiviere, Artikel zue me bstimmte Thema z schryybe, wu s in dr Alemannische Wikipedia noonig vyyl derzue het? Eso isch dr Wettbewäärb bishäär gstrickt gsii.

Oder wämer Lyt motiviere, zue irgedeme Thema bsundersch glungeni Artikel z schryybe? Eso isch dr Schryybwettbewäärb uf dr dewiki ufzooge.

Dezue hämer au aimool s Thema Artikel aktualisiere un uusböue ghaa.

Anderi Aktione, wu s uf dr dewiki git, hän au anderi Zyyl, z. B. meeglischt vyyl Artikel schryybe bis zue me Stichdaag („Artikelmarathon“), Pinkt fir alles meeglige bis zue me Stichdaag sammle („WikiCup“), Artikel schryybe, wu si eber ander gwischt het („Drei Wünsche frei“), oder natyrli alli meeglige Edit-a-thon zue bstimmte Theme (Asian Month, Women in Red, Berlinale usw.)

Was wär denn eier Zyyl fir dr negscht Schryybwettbewäärb? --Holder (Diskussion) 11:40, 31. Dez. 2019 (MEZ)

Für miich isch halt echli es Probleem, dass daa «Marathon» und «Wettbiwèèrb» vermischt wèèrded – das sind für miich zwoo verschideni Sache. Übersetzigen und churzi Artikel sind für miich äigetli nöd «uuszäichniswürdig» (es mag Uusnaame gèè – zum Exämpel wunderhübschi Miniatuure). Uf di ander Syte gfallts mer natüürli au, wänns vill nöii Artikel git. Aber daa chunt e wyters Probleem dezue: Wänn fascht ali Artikel vo de glyche zwäi Lüüt chömed – Chapeau vor dènen irem Flyss! –, dän isch es echli ööd. Und ebe: Zur Zyt gits läider fascht nu zwäi Lüüt, wo i der alswiki überhaupt Artikel schrybed, und das macht en Wettbiwèèrb halt fascht usinig. Nöd ganz äifach isch im 19i au s Theema gsy: Jaa, «Liechtestäi» isch i der alswiki vernaachlèèssiget und drum e gueti Idee – aber andersyts händ vo den Alswikipediaaner wol di wenigschten en Bezuug zum Fürschtetum. Iich sälber ha nöd aktyv mitgmachet, wil ich a) äifach weder Zyt no Muesse ghaa ha und b) ekän Traat zu Liechtestäi ha. Das sind jetz äifach so epaar Gidanke … --Freiguet (Diskussion) 01:11, 1. Jan. 2020 (MEZ)

Freiguet, un was deet dii perseenli dänn motiviere, bi me Schryybwettbewwärb 2020 mitzmache? --Holder (Diskussion) 08:05, 3. Jan. 2020 (MEZ)