Ülèmer Chrütz
| Ülèmer Chrütz | |||
|---|---|---|---|
 Bligg uff s Wägchrütz un d Schutzhüttè a dè Passhöchi | |||
| Himmelsrichtig | Oschtè | Weschtè | |
| Passhöchi | 1.137,6 m ü. NHN | ||
| Bundesland | Baddè-Württèbärg | ||
| Daalort | Äule | Menzèschwand | |
| Usbau | Passschtrõß L 146 | ||
| Gebirg | Schwarzwald | ||
| Karte (Baden-Württemberg) | |||
| |||
| Koordinate | 47° 49′ 38″ N, 8° 5′ 17″ O | ||
S Ülèmer Chrütz isch è 1.137,6 m ü. NHN[1] hoch glègèni Passhöchi im Hochschwarzwald.
Geographischi LaagBearbeite
D Passschtrõß übberquert èn Bärgruggè, wo vom Fèldbärg-Massyv wèg gu Südoschtè d Brugg zuè dè Alblandschaft südlich vom Schluchsee schlaat. Nordweschtlich vom Ülèmer Chrütz übberragt dè Chapèllèchopf (1.273 m), südöschlich d Schnepfhaaldè (1.290 m) d Passhöchi. Sèllè Pass vobindet dè Wyler Äule, èn Ortsdeil vo Schluchsee, a dè Oschthaaldè un Menzèschwand, im Obbèrè Albdal, a dè Weschthaaldè. Anderschd gsait, übber s Ülèmer Chrütz wörd Menzèschwand, wo gu Weschtè un Nordè im Schattè vom Fèldbärg-Massyv lyt, a dè Schluchsee aabundè. Diè nägscht Passhöchi lyt knapp 6,5 km èwäg im Nordweschtè un öppè 110 m höcher, sèll isch dè Fèldbärgpass.
NammèBearbeite
Dè Nammè Ülèmer Chrütz gòt uff è Wägchrütz bi dè Passhöchi zrugg, wo nõch èm witter unnè a dè Oschthaaldè glègènè Wyler Äule benamst isch.
TourismusBearbeite
SummerBearbeite
Am Ülèmer Chrütz git s è baar Parkblätz, wo Uusgangspüngt für Wanderungè im Fèldbärg- odder im Schluchseegebièt sin odder èn guètè Uusbligg übber s Menzèschwander Dal biètèd.
WinterBearbeite
Im Winter isch d Passhöchi Uusgangspungt vo zwei Langlaufloipè:
- Ülèmer-Chrütz-Loipè (au „Menzèschwander Spur“, 9,2 km) um dè Silberfelsè un dè Chapèllèchopf bis zuè dè Farnwitti (1.235 m), mit Aaschluss a d Loipè am Fèldbärg, Höèunterschyd 100 m, klassisch
- Habsbärgschpur Blasiwald (10,5 km, mit 3,5 km langè Vobindungsloipè zum Ülèmer Chrütz) um dè Obbère Habsbärg (1.274 m) ummè, Höèunterschyd 150 m, klassisch
Übber Deile vo dè beidè Loipè (vo dè Farnwitti (1.235 m) bis zuè dè Roßhüttè (1.205 m)) volauft è acht Kilometer langs Deilschtugg vom 32 km langè Fèrnschiwanderwäg Hinterzartè–Schluchsee.
Passhöchi mit Bushalteschtell un Parkblatz. S Ülèmer Cbrütz isch uff dè rächtè Sitè z erkennè
Loipèhuus am Langlaufzèntrum Ülèmer Chrütz
D Farnwittè, è Hochweid, bi dè Keerschleifè vo dè Ülèmer-Chrütz-Loipè
WeblinkBearbeite
Commons: Ülemer Chrütz – Sammlig vo MultimediadateieEinzelnõchwysBearbeite
- ↑ Chartedienst vom Bundesamt für Naturschutz
|
Dä Artikel basiert uff ere fräie Übersetzig vu dere Version vum Artikel „Äulemer_Kreuz“ vu de dütsche Wikipedia. E Liste vu de Autore un Versione isch do z finde. |