Autobus AG Lieschtel

Autobus AG Liestal
Basisinformatione
Sitz vom Undernähme	Liestal
Webpräsenz	Webpräsenz
Ufsichtsroot	Haidlauf Christian
Gschäftsfüehrig	Roman Stingelin
Verkehrsverbund	Tarifverbund Nordwestschweiz
Linie
Bus	8
Zahl vo de Fahrzüüg
Omnibus	39
Statistik
Fahrgest	7 895 816dep1
Sustigi Bedriibsiirichtige
Depots	1

D Autobus AG Liestal (AAGL) isch es schwizerisches Busundernähme im Kanton Basel-Landschaft mit Sitz z Lieschtel.

Linie 78 Bus bim Bahnhof Lieschtel

Gschicht (Meilestei)

1905 isch d Automobilgschellschaft Lieschtel-Reigoldswil AG gründet worde. Iri Buslinie zwüsche Lieschtel und Reigetschwyl isch di erscht konzessioniert Buslinie vo der Schwiz gsi. 1956 het mer d Gondelbahn vo Reigetschwyl uf d Wasserfalle (Wasserfallenbahn) poue; d Bahn isch 1994 an en sälbständigi Stiftig verschenkt worde. 1975/1976 schliesslich isch der Regionalvercher z Lieschtel (und Agglomeration) und Rhyfälde in Betrib gno worde. 1986 trit d AAGL als Gründigsmitglid em Tarifverbund Nordweschtschwiz bi.

Öffentliche Vercher

Allgemeins

D AAGL betribt e Reie vo transregionale Linie. Dernäbe stellt si der öffentlich Vercher z Lieschtel und Umgäbig sicher, wo si de Grossteil vom öffentliche Nahvercher, ergänzt durch d Waldenburgerbahn und e Postautolinie, übernimmt. Ds Linienetz ich zämegrächnet über 100 km lang.

Fahrplan

D AAGL bietet uf ihre Linie mit Usnahm vo der Linie 71 und 83 de Halbstundetakt aa (am Abe und am Sunntag teilwis Stundetakt). Zu Stosszeite isch der Takt uf e paar Linie witer verdichtet.

Gsamtlängi Linienetz Auto Bus AG

Ds ÖV-Netz vo der Auto Bus AG het zäh Linie, wo Reigoldswil mit Basel oder Büre mit Kaiseraugst verbinde. Si füehre vo Lieschtel oder Prattele in d Gmeinde rundume und bringe d Fahrgescht zur Schuel, zur Arbeit, zum Ichaufe und zur Frizytbeschäftigung.

Dezue ane betribt d Auto Bus AG füf Nachtbus-Linie – eini ab Basel Theater und vier ab Lieschtel Bahnhof

Linie	Strecki	Km
70	Liestal – Bubendorf – Ziefen – Reigoldswil	12.6
71	Liestal – Bubendorf – Arboldswil – Titterten – Reigoldswil – Lauwil	21.8
72	Liestal – Seltisberg – Lupsingen – Büren	10.6
75	Frenkendorf Bahnhof – Füllinsdorf Giebenacherstrasse – Frenkendorf Bahnhof	4.2
76	Liestal – Lausen Bahnhof – Lausen Furlen	4.3
78	Lausen Stutz – Liestal – Frenkendorf Bahnhof – Frenkendorf Friedhof	9.9
80	Liestal – Füllinsdorf – Pratteln – Muttenz Schweizerhalle – Birsfelden – Basel Aeschenplatz	18.1
81	Liestal – Füllinsdorf – Augst – Pratteln – Muttenz Schweizerhalle – Birsfelden – Basel Aeschenplatz	17.9
82	Pratteln Zentrum Grüssen – Pratteln Bahnhof – Chästeli – Friedhof Blözen	5.6
83	Liestal – Hersberg – Arisdorf – Giebenach – Kaiseraugst – Augst – Pratteln	22.5
Total:		121.5
N28	Basel Theater – Birsfelden – Augst – Kaiseraugst – Giebenach – Arisdorf	19.6
N50	Liestal – Hersberg – Arisdorf	9.1
N51	Liestal – Seltisberg – Lupsingen – Büren – Nuglar	17.8
N52	Liestal – Bubendorf – Ziefen – Reigoldswil – Titterten – Arboldswil – Bubendorf – Liestal	28.4
N53	Liestal – Lampenberg Station – Hölstein – Niederdorf – Oberdorf – Waldenburg	13.4
Total:		88.3
Gesamt:		209.8

Quelle: autobus.ag

Ehemaligi Linie

• Linie 84: Rheinfelden Bahnhof – Augarten – Kaiseraugst Bahnhof – (Auhafen)
• Linie 85: Rheinfelden Bahnhof – Augarten (vorher Stadtbus Rheinfelden)
• Linie 86: Rheinfelden Bahnhof – Alte Saline – Reha – Altersheim – Rheinfelden Bahnhof (vormals Stadtbus Rheinfelden)
• Linie 86a: Rheinfelden Bahnhof – Hauptwachplatz – Zähringerplatz (vorher Stadtbus Rheinfelden; 2008 igstellt)

D Linie 84–86 sind per Dezember 2009 a d Postauto Nordwestschweiz übergeh worde, wo im Gägezug iri Beteiligung a der Linie 83 und der Linie 72 vollständig der AAGL übergä het.

• Ds Netz vo de Regionalbüs ds Lieschtel (75–78) änderet sich vil. Bis vor wenige Jahr hets au en Linie 77 geh; und d Linie 75, 76 und 78 hend hüt e dütlich gändereti Liniefüehrig.

Dienschtleistige

Mit de drei Tochtergschellschafte «Autobus AG Liestal Dienstleistungen», «Autobus AG Liestal Öffentlicher Verkehr» und «Autobus AG Liestal Reisen» isch ds Undernähme hüt vil meh weder nu es Busundernähme und baut sini Gschäftsaktivitäte in Richtig Gsamtmobilität us. Dezue zehle Car-Reise, Chlibus-Vermietige, Tankstellebetrib und de Betrib vore Autowäschalage für Chliwäge bis zu 40-t-Laschtwäge.

Fahrzügflotte

Azahl	Busart	Norm	Türe	Version
5	Glenk	Euro 6	4
1	Glenk	Euro 6	3
8	Glenk	Euro 5	3
3	Glenk	Euro 5	3	Überland*
6	Solo	Euro 6	3
3	Solo	Euro 6	2	Churz
2	Solo	Euro 6	2	Überland*
8	Solo	Euro 5	3
1	Solo	Euro 5	2
1	Solo	Euro 5	2	Überland*
1	Sprinter	Euro 5	2

* mit Sicherheitsgurt für d Fahrgescht.

Links

• Autobus AG Liestal

Fuessnote

Dä Artikel basiert uff ere fräie Übersetzig vu dere Version vum Artikel „Autobus_AG_Liestal“ vu de tüütsche Wikipedia. E Liste vu de Autore un Versione isch do z finde.