al-Aqsa-Moschee
| Al-Aqsa-Moschee | |
|---|---|
.jpg)
| |
| Koordinate: 31° 46′ 34,4″ N, 35° 14′ 7,6″ O | |
| Ort | Jerusalem |
| Richdig/Gruppierig | Islam |
| Architektonischi Informazioone | |
| S Leege vom Grundstäi | 706 |
| Eröffnig | 717 |
| Detäi | |
| Kapazidäät | 5.000 |
| Kupple | 2 |
| Minarett | 4 |
| Minaretthööchi | 37 m |
D al-Aqsa-Moschee (arabisch المسجد الأقصى al-masdschid al-aqsa, DMG al-masǧid al-aqṣā ‚d Kultstatt, wo wit äwäg isch‘) isch e Moschee uf em Tämpelbärg in dr Jerusalemer Altstadt. Si gältet as die drittwichtigsti Moschee vom Islam noch dr al-Haram-Moschee mit em zentrale Häiligdum vo dr Kaaba z Mekka und dr Brofeetemoschee mit em Graab vom Brofeet Mohammed z Medina.
Gschicht
ändereD Moschee stoot uf em Blatz, wo ursprünglig die jüüdische Tämpel gstande si. Fast e halbs Joorduusig noch dr Zerstöörig vom zwäite Tämpel het dr byzantinisch Kaiser Justinian I. um 530 e christligi Chille dört lo baue, und die isch denn vom sassanidische Groossköönig Chosrau II. zerstöört worde, won er 614 Jerusalem erooberet het.
Im Joor 638 het dr Kalif Umar ibn al-Chattab am Ort vo dr hütige al-Aqsa-Moschee en ersts Moscheegeböid us Holz lo baue.[1] Dr Kalif Abd al-Malik het denn um 692 dr Felsedom grad näbedraa lo baue, denn d Moschee us Holz lo abrisse und an iirem Blatz zwüsche 706 und 717 d al-Aqsa-Moschee us Stäi lo baue.[2]
D Chrüzfaarer häi im Joor 1099 Jerusalem erooberet und vo 1104 aa s Geböid zerst as Köönigsbalast brucht, und denn isch dr Orde vo de „arme Ritter vom Christus“ under em Hugo vo Payns und em Gottfried vo Saint-Omer dri cho, wo e Zitli spööter sich wäge däm as Tämplerorde bezäichnet het.
Dr Saladin het 1187 Jerusalem zruggerooberet und wider e Moschee drus gmacht, was si sit denn bliibe isch.
Bildli
ändere-
Al-Aqsa-Moschee, 2007 -
Al-Aqsa-Moschee, um 1900 -
Im Innere, um 1920 -
al-Kas (Brunne), 2007 -
al-Aqsa, Iigangsberiich uf dr Nordsite, 1981
Weblingg
ändere
Commons: al-Aqsa-Moschee – Sammlig vo Multimediadateie- Noble Sanctuary: al-Aqsa Mosque (änglisch)
- al-Aqsa Mosque MuslimWiki (änglisch)
- History of Palestine mp3 lecture (änglisch)
- 360° view of the inside of the Mosque by Visual Dhikr (änglisch)
- al-Aqsa Mosque Fotos (änglisch)
Fuessnoote
ändere- ↑ Vgl. Al-Aqsa Mosque (Memento vom 25. Februar 2016 im Internet Archive) bei Noble Sanctuary Online Guide
- ↑ Moshe Gil: A History of Palestine 634–1099, Cambridge University Press 1997, S. 95.
|
Dä Artikel basiert uff ere fräie Übersetzig vum Artikel „Al-Aqsa-Moschee“ vu de dütsche Wikipedia. E Liste vu de Autore un Versione isch do z finde. |