s Schiff Alemannia

D Alemannia isch es Schiff für Chrüüzfaarte uf Flüss. Si ghört dr Basler Reederei Breeze River Cruises GmbH und stoot im Chartersischteem im Dienscht vo de DCS-Touristik, wo z Schduagert dehei isch und Schiffreise z Europa organisiert.

Alemannia

d Alemannia z Köln d Alemannia z Köln

Schiffsdaate anderi Schiffsnääme Deutschland (bis 2008) Schiffstyp Fluss-Chrüüzfaartsschiff Häimethaafe Basel Bauwärft Schiffswerft Christof Ruthof Stapellauf 30. März 1971 In Dienst gnoo 16. Mai 1971 Was mit em bassiert isch uf dr Faart

Määss und Bsatzig Lengi 110,00 m (Lüa) Bräiti 11,60 m Diefgang max. 1,45 m Verdrängig 1358   Besatzig 40

Gschicht

S Schiff isch i de Joor 1970 bis 1971 i dr Werft Christof Ruthof z Mainz für 14,8 Millioone D-Mark bout worde. Zerscht hed s dr Name Dütschland gha (also eigetli uf Standarddütsch Deutschland) und isch bis ane 2007 vo de Transbortgsellschafte Köln-Düsseldorfer und Viking River Cruises uf em Rhy und uf dr Moosel bruucht worde.

Am 12. Mai 1971 hed d Gabrielle von Oppenheim z Bonn s Schiff tauft, dr domoolig dütsch Vercheersminischter Georg Leber isch dört derby gsi.

d Alemannia uf em Rhy

Sid em Mai 1971 hed d Reederei s Schiff nach em Faarplan ufem Rhy zwüsche Rotterdam und Basel lo faare. Im 1995i hed d West KD Schiffs-Invest AG d Dütschland zäme mid drü anderne Flusschrüüzfaartsschiff gchauft und a ne neui Firma vermietet, d KD Deutsche Flusskreuzfahrten GmbH. Am 1. Januar 1997 isch d Dütschland ane Tochterfirma gange, wo z Basel dehei isch, d KD Triton AG. Denn isch si i dr Schwiiz regischdriert worde. Vo 2000 bis in Summer 2007 hed d Viking River Cruises d Chrüüzfaarte uf de Flüss usgfüert.

Ane 2008 hed d Schwiizer Firma Breeze River Cruises GmbH d Dütschland gchauft und em Schiff dr neu Name Alemannia ggää. Sidhär faart si für d Nicko Tours no immer uf em Rhy und uf dr Moosel.

Yrichtig und Technik

D Alemannia hed Kabiine, wo uf drü Deck verdeilt sy. Es git 108 Doppelkabiine, und mid Zuesatzbett cha s Schiff 236 Faargescht midnää. Ganz vorne isch en Panoramasalon, wo Wänd ganz us Glas het.

S Schiff hed vier zwölf-Zylinder-Diiselmotoore vo dr Motoorefabrigg Deutz vo Köln. Es cha s Huus vom Stüürme und s Chemi ablegge, wenn s under nidrige Brügge durefaart.

Literatur

• Georg Fischbach: Die Schiffe der Köln-Düsseldorfer 1826–2004. Marienhuuse 2004.

Weblink

 Commons: Alemannia (Schiff) – Sammlig vo Multimediadateie

• d Alemannia uf dr Website vo dr Vereinigung De Binnenvaart
• d Alemannia uf dreamlines.de
• d DSC Alemannia uf kreuzfahrten-und-weltreisen.ch

Fuessnoote

Dä Artikel basiert uff ere fräie Übersetzig vum Artikel „Alemannia (Schiff)“ vu de dütsche Wikipedia. E Liste vu de Autore un Versione isch (Schiff)&action=history do z finde.