Alex Schaufelbühl
De Alex Schaufelbühl isch en Schwiizer Künschtler mit Atelier z Gnadethal. Er schaffd Skulpture us Holz, Stei und Bronze.
S Läbe ändere
De Alex Schaufelbühl isch z Brämgarte ufgwachse[1] und het ursprünglich Murer glehrt und isch nach de Lehr zerscht selbständige Murer gsi. Vo 1989 bis 1995 het er in Abigkürs a de Kunschtgwerbschuel z Züri e Bildhauerlehr gmachd und isch dann vo 1993 bis 1995 als Bildhauer uf de Stör gsi. Sit em 1995 schaffed er als freischaffende Bildhauer und im 1998 het er im ehemolige Schlachthof Bade z Wettige sis erschti Atelier gha. Im 1999 isch er mit em Atelier dann is Gnadethal zügled. Vom Schaufelbühl stönd vili Kunschtwerk im öffentliche Ruum, wi zum Bispiil d Raabe uf em Wettiger «Rabechreisel» oder de «Stifelriter» vom Freiämter Sagewäg. Er läbt z Wettige.
Weblink ändere
Commons: Alex Schaufelbühl – Sammlig vo Multimediadateie- d Website vom Alex Schaufelbühl
Fuessnote ändere
- ↑ «Meine Figuren schaffen Identität» vo de Nathalie Wolgensinger im Rüüssboote Nr. 25, 29. März 2018