Alfred Eckerle

Dr Alfred Eckerle (* 1953 z Wolfe) isch e dytsche Lehrer un Autor.

Lääbe

Dr Eckerle isch z Wolfe ufgwagse un het am Gimnasium z Huuse s Abitur gmacht. Är het z Fryburg uf Lehramt studiert un dert au s Referendariat gmacht. Speter het er as Dytschlehrer an dr Haimschuel Lender z Saaschbach unterrichtet.

Är het scho as Schueler aafange schrybe. Anne 1976 het er bim Dialäktliteraturwettbewärb aktion junge mundart mitgmacht un isch dert fir syni alemannische Gedicht uuszaichnet wore. Derzue het er e Zytlang bi dr Fryburger Literaturzytschrift das nachtcafé mitgschribe.

Anne 1982 het er unter em Titel Im Umgang mit der Entfernung im Fryburger Dreisam-Verlag e Buech mit hochdytsche Gedicht publiziert, d Zaichnige in däm Buech het dr Harald Hermann gmacht ghaa.

Wäärch

• Im Umgang mit der Entfernung. Gedichte von Alfred Eckerle. Zeichnungen von Harald Herrmann. Dreisam-Verlag, Freiburg i. Br. 1982. ISBN 9783921472484. 62 S.

Literatur

• Heinz G. Huber: Schreiben wider die Dunkelziffer der Missverständnisse - Vorläufige Bemerkungen über den Autor Alfred Eckerle. In: D’Deyflsgiger. Badische Kulturzeitschrift. Nr. 3/1980. S. 44−47