Ambilly

Ambilly isch e französischi Gmeind im Departemänt Haute-Savoie.

Ambilly
e Strooss und d Ortsdafele vo Ambilly
Verwàltung
Land	Frànkrich
Region	Auvergne-Rhône-Alpes
Département	Haute-Savoie (74)
Arrondissement	Saint-Julien-en-Genevois
Kànton	Annemasse
Kommünàlverbànd	Annemasse-les Voirons-Agglomération
Àmtliga Nàma	Ambilly
Maire	Guillaume MATHELIER (2014-2020)
Code Insee	74008
Poschtlaitzàhl	74100
Iiwohner
Iiwohner	6.269
Flech	1,25 km2
Bevelkerungsdicht	4.690,4 Iiw./km2
Làg
Koordinate	46° 11′ 42″ N, 6° 13′ 27″ E
Heche	410–434 m
Ambilly Ambilly (Frànkrich)
Website
http://www.ambilly.fr

Der Ort isch im Kanton Annemasse vom Verwaltigschreis Saint-Julien-en-Genevois. Me seit dere Stadtlandschaft au Annemasse-Les Voirons-Agglomération. Ambilly het öppe föiftuusig Ywooner und lyt a der Gränze zwüsche Frankrych und em Kanton Gämf und im Weschte vo der Stadt Annemasse. D Gämfer Nochbergmeinde vo Ambilly sin Thônex und Puplinge. Der Landesgränze noo goot der Fluss le Foron.

S Gmeindpiet vo Ambilly isch nume chly meh als ei Kwadratkilometer gross; es isch die chlynschti Gmeind vom ganze Departemänt. S Piet ghört geografisch gseh zu der übergordneten Aglomerazioon Gämf-Annemasse und es isch komplett mit Woonsidlige, Gwärbkwartier, Schuelhüüser und anderne Yrichtigs verbout.

S Dorf wird anne 859 s erschte Mol in ere Urkunde mit em Name Ambiliaci erwähnt. Es isch an alte latynische Ortsname, wo schynts uf e römisch Personename Ambilius zrugggoot.

S Gmeindwappe het es vildeiligs Bild; es beziet sech ufe Fluss Le Foron und e Brugg, uf die alte Wälder vo Eiche, wo s i dere Gäged früener gha het, uf d Farbe vo de alte adelige Herrschafte und ufs savojische Chrüüzwappe.

Weblink

 Commons: Ambilly – Sammlig vo Multimediadateie

• Website vo der Gmeind Ambilly