Hauptmenü ufmache
De Andrew Bond bi eme Konzert im März 2009

De Andrew Bond (* 1965 z England) isch en Schwiizer Musiker un Theolog. Als Musiker isch er mit sine Chinderliedli sehr erfolgriich.

Inhaltsverzeichnis

BiografiiBearbeite

De Andrew Bond isch z Grossbritannie un im Kongo ufgwachse, bevor er mit zwölfi i d Schwiiz isch cho, em Heimatland vo sinere Muetter. Er het z Züri Theologi schtudiirt un isch au ordiniirt worde, het aber nii als Pfarrer gschaffet. Er het 17 Johr Musik un Religion an de Oberstuefeschuel z Wädischwil Unterricht gäh un sich in de Us- un Wiiterbilding engagiirt. So isch er zum Bischpil Mitautor vo eme Lermittel für de Religionsunterricht a de Oberstuf («Menschen leben in Religionen und Kulturen»). Di erschte Mundart-Lieder het er 1998 für sini Chind gschribe. In de Zwischeziit git er vili Konzert in de ganze Dütschschwiiz.

MusikBearbeite

Di erscht CD «Zimetschtern han i gern» isch 1998 entschtande. Uf dere CD sin Lieder für de Herbscht un d Adventsziit. De Lermittelverlag vom Kanton Züri het die CD in irs Aagebot übernoo un scho na drü Johr het de Andrew Bond dodefür e goldigi Schallplatte übercho un im Herbscht 2004 eini us Platin.
Di zweit CD isch «Suneschtraal tanz emaal» mit Sommerlieder gsi, di dritt «Maieriisli lüüted liisli» un di viert «Brännti Mandle, Magebroot».
2001 isch d Mitsing*Wienacht usecho, wo mit 24 Mundartlieder d Gschicht vo de Wiehnacht verzält wird. Dodernach isch 2003 «Schternefeischter» un 2004 für Erwachseni «Gränzeloos» veröffentlicht worde.

DiskografiBearbeite

  • 1998 - Zimetschtern han i gern (Platin)
  • 1999 - Suneschtraal tanz emaal (Platin), Maieriisli lüüted liisli (Gold)
  • 2000 - Brännti Mandle, Magebroot (Gold)
  • 2001 - Mitsing*Wienacht
  • 2003 - Schternefeischter
  • 2004 - Gränzeloos - eine CD für Erwachsene
  • 2005 - En alte Stern
  • 2006 - Reisefieber (Gold), Himmelwiit
  • 2007 - Musizin, Rock Pool Rock
  • 2008 - Pfoschteschuss
  • 2009 - Chleiderchischte, Zirkus Kokosnuss
  • 2010 - Chrüsimüsi Chräbs
  • 2011 - Hyäne lached Träne, Heidi - wo bösch du dihei?
  • 2012 - Chinder-Sächsilüüte, Dornrösli - ein MärliMusical, Rägebogeziit
  • 2013 - En neue Kita-Tag, De Hans im Schnäggeloch, Tierische Weltreise 1+2
  • 2014 - Alli machet Mischt - D Elefante plantsched
  • 2017 - Ein Tag im Läbe vom Anders Andersson
  • 2017 - Machs wie de Dachs

Anderi PublikationeBearbeite

  • 2002 - Bilderbuech zur Mitsing*Wienacht "Di allereerscht Wienacht"
  • 2004 - CD-ROM "Schternefeischter" mit Spielen für junge Kinder
  • 2005 - Kinderroman Grüne Perlen aus Ulvador
  • 2006 - Kinderroman Ulvador – Der verkaufte Regenbogen, Bilderbuech So ein Kamel
  • 2007 - Kinderroman Ulvador – Das Lied der Eule, Ein Pirat im Internat (Singspil)
  • 2009 - Bilderbuech Frechspatz Männi
  • 2011 - DVD "Andrew Bond und Band live"
  • 2012 - DVD "Mitsing*Wienacht live"
  • 2013 - Bilderbuech "Flieg Ringo, flieg!" - Bilderbuch und Singspiel "Benni Ben Baitz" - Liederbuech "Tierische Weltreise"

WeblinkBearbeite