Anneke Graner

Dialäkt: Undermarkgreflerisch

D Anneke Graner (* 15. Oktober 1979 z Charlsrue as Anneke Hinse) isch e dytschi Bolitikeri (SPD). Vu 2013 bis 2016 isch si Mitglid vum Landdag vu Bade-Wirttebärg gsii.

d Anneke Graner (2013)

Uusbildig un Beruef

D Graner isch z Ettlinge uf s Eichendorff-Gimnasium gange. Noch em Abitur het si an dr Universitet Fryburg un Grenoble Jura studiert. Ihre het Referendariat het si z Offeburg absolviert. Ab 2008 het si bi dr Allianz-Versicherig gschafft. Syter 2016 schafft si as Referänti fir Dateschutz bim Landesdateschutzbeufdraite.

Bolitik

D Anneke Graner isch vu 1997 bis 1999 Mitglid vum Jugedgmairoot un vum Frauebyroot z Ettlinge gsii. Bi dr Landdagswahl 2011 isch si im Wahlchrais Ettlinge as Zwootkandidati aadrätte. Wu dr Frank Mentrup, wu bi dr Wahl in Landdag gwehlt woren isch, am 2. Dezämber 2012 zum Oberburgermaischter vu Charlsrue gwehlt woren isch, isch d Graner zum 16. Merz 2013 in Landdag noogruckt. Im Landdag isch si Sprächeri vu ihre Fraktion fir Dateschutz un Familierächt gsii. Bi dr Landdagswahl 2016 isch si nimi widergwehlt wore.

Sunschigs Engaschmänt

• Mitglid im Stiftigsroot vu dr Stiftig „Familie in Not“
• Mitglid bi Amnesty International
• Ferdermitglid vu dr Malterser un dr Johanniter

Privats

D Anneke Graner isch ghyrote un het zwai Chinder.

Literatur

• Anneke Graner. In: Abgeordneten-Handbuch des Landtags von Baden-Württemberg für die 15. Wahlperiode.

Weblink

 Commons: Anneke Graner – Sammlig vo Multimediadateie