Arsinoë

D Arsinoë (altgriech. Ἀρσινόη) isch i de griechische Mythologii d Töchter vom Leukippos und d Schwöster vo de Leukippide Hilaeira und Phoibe, wo vo de Dioskure entfüert wore sind. D Arsinoë isch noch de messenische Saag e Gliebti vom Apollon gsii und dör de d Muetter vom Asklepios und vo de Eriopis. Da isch da, wo d Messenier globt hend, sös het nemmli d Koronis as Muetter vom Asklepios ggolte.

D Arsinoë hett z Sparta e Hailigtum ghaa und uf de Agora vo Messene isch e Brunne gflosse, wo Arsinoë ghaisse hett.

Quelle

• Apollodor 3.10.5f.
• Pausanias: Raise z Griecheland 2.26.7; 4.3.2

Literatur

• Fritz Graf: Arsinoë. In: Der Neue Pauly (DNP). Band 2, Metzler, Stuttgart 1997, ISBN 3-476-01472-X, Sp. 37.