Axel Fischer
De Axel Eduard Fischer (* 5. Mai 1966 z Karlsrueh) isch en badischer Politiker (CDU). Er isch vo 1998 bis 2021 Mitgliid vom dütsche Bundestag gsi.[1] Sin Brueder isch de Lutz Fischer.[2]
Läbe un Bruef
ändereDe Axel Fischer isch z Schdudesee ufgwachse. Nach de Mittleri Reife het er im 1983i an de Berufsfachschuel für Elektrotechnik z Karlsrueh e Lehr zum Elektroinstallateur gmacht. Dodernoch het er d Technischi Oberschuel Karlsruhe bsuecht, wo er 1987 s Abitur bschtande het. Von 1987 bis 1989 het de Axel Fischer als Soldat uf Ziit sin Wehrdienst abgleischtet un d Usbildig zum Reserveoffizier gmacht. Ab 1989 het er Maschinenbau an de Uni Karlsrueh schtudiirt un s Schtudium als Diplom-Ingenieur abgschlosse. Im Aaschluss ans Studium het er bis 1998 als wissenschaftliche Mitarbeiter am Inschtitut für Arbeitswisseschaft un Betriebsorganisation (ifab) an de Uni Karlsrueh gschaft.
De Axel Fischer isch zum zwaite mol ghürote un het sechs Chind.
Partei
ändereDe Axel Fischer isch zwüsche 1992 un 1993 im Landesvorschtand vo de Jungen Union vo Bade-Württebärg gsi un isch sit em 1993i im CDU-Bezirksvorschtand vo Nordbade. Von 1989 bis 1995 isch er Gschäftsführer vo de Jungen Union Nordbaden gsi un am 1. Dezember 2008 isch er vom Bundesparteitag vo de CDU in Schtueget in de Bundesvorschtand gwählt worde.[3]
Abgordneter
ändereVo 1998 bis 2021 isch de Axel Fischer Mitglid vom dütsche Bundestag gsi, wo er zerscht über d Landeslischte vo Bade-Württebärg gwählt worde-n-isch. Dodernoch isch er jewils als Wahlkreisabgordeneter in de Bundestag iizoge. Bi de Bundestagswahl 2005 het er 48,3 % vo de Erschtschtimme übercho, 2009 45,2 %[4], bi de Bundestagswahl 2013 53,3 %[5]. und bi de Bundestagswahl 2017 40,5 %. Zue de Bundestagswahl 2021 isch er nümmi aatrette.
Ab em 1. Januar 2009 isch de Axel Fischer de Vorsitzende vom Usschuss Technologie, Luft- und Raumfahrt bi de Weschteuropäische Union gsi.
Weblink
ändere
Commons: Axel Fischer – Sammlig vo MultimediadateieFuessnote
ändere- ↑ De Axel Fischer zum Abschied uf sinere Website
- ↑ "Die gelb-schwarzen Brüder" im Badener Tagblatt online
- ↑ Archivierte Kopie. Archiviert vom Original am 7. Januar 2009; abgruefen am 28. Januar 2009. Homepage vom Bundesparteitag Abgruefe am 01.12.2008
- ↑ Bundeswahlleiter: Wahlchreis Karlsrue-Land, Bundestagswahl 2009 Archivlink (Memento vom 1. Oktober 2009 im Internet Archive)
- ↑ Bundeswahlleiter: Wahlchreis Karlsrue-Land, Bundestagswahl 2013 Archivlink (Memento vom 25. Septämber 2013 im Internet Archive)
|
Dä Artikel basiert uff ere fräie Übersetzig vum Artikel „Axel_Fischer“ vu de dütsche Wikipedia. E Liste vu de Autore un Versione isch do z finde. |