Hattinger Vobindungskurvè
| Duttlingè–Hattingè (Baddè) | |||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Kursbuechstrecki (DB): | 740 | ||||||||||||||||||||||||||||||||||||||||||||
| Streckenummere (DB): | 4661 | ||||||||||||||||||||||||||||||||||||||||||||
| Streckelengi: | 8,220 km | ||||||||||||||||||||||||||||||||||||||||||||
| Spurwyti: | 1435 mm (Normalspur) | ||||||||||||||||||||||||||||||||||||||||||||
| Streckeklasse: | D4 | ||||||||||||||||||||||||||||||||||||||||||||
| Stromsystem: | 15 kV 16,7 Hz ~ | ||||||||||||||||||||||||||||||||||||||||||||
| Hegschtgschwindigkeit: | 120 km/h | ||||||||||||||||||||||||||||||||||||||||||||
| |||||||||||||||||||||||||||||||||||||||||||||
D Baanschtrèggi Duttlingè–Hattingè, au d Hattinger Kurvè, Hattinger Vobindungskurvè odder d Hattinger Schleifè[3] dauft, isch è eingleisigi, elegtrifizyrti Hauptbaan im a dè südweschtlichstè Rand vum Schwõbèland am nördöschtliche Rand vum Baddischè Obberland. D Strèggi volauft hützdaag vollschtändig im Landchrais Duttlingè. Am 15. Mai 1934 isch d Vobindungskurvè vom Baanchnotè Duttlingè zum Abzwygbaanhof Hattingè (Baddè) a dè Baddischè Schwarzwaldbaan. Dè Bhf. Hattingè isch sit öppè Aafang dè 1980er Johr nu nò èn Bedrybsbaanhof ooni Personè- odder Güètervokeer.
Volauf
ändereGrundsätzlich volauft d Vobindungsschtrèggi in èrè witzogènè Kurvè, wo vo Duttlingè hèr un dalobsi aagluègèt nõch links gòt. En détail gòt bschtòt diè Linkskurvè abber us è baar Graadè un è baar Links- un eim Rächtsbogè, sèllèwäg beschriibt dè Uusdrugg Vobindungsschtrèggi dè Volauf bräziser. Im wittèrè wörd dè Strèggèvolauf vom Bhf. Duttlingè bis zum Bhf. Hattingè aagluègèt, also s Donaudal uèzuès.
Nordoscht-Stutzè
ändere
Am weschtlichè Uusfaarsignaal vom Duttlinger Baanhof lyt dè Nordoscht-Stutzè vo dè Strèggi bim km 0,0. Dört a dè Weschtuusfaart vum Duttlinger Baanhof lyt gègèübber vo dè Drènnschtèll Vobindungsschtrèggi⇔Donaudalbaan dè früènèrè Duttlinger Ringlokschuppè. D Vobindungsschtrèggi gòt in Möhringer S-Bogè iè un wendèt sich mit ènèm Linksbogè vo dè Donaudalbaantrassè ab un übberquert denn bi km 1,0 d B 311 mit ènèm 15 m langè Bedongbrüggle. Dènõch schliicht sich d Strèggi in èm witzogènè Rächtsbogè südlich um s Möhringer Gwèrbegebièt ummè.
Donaudal-Abschnitt
ändere
Nõch èm Gewerbegebièt folgèd d Trassè im rächtè Dalrand vo dè Donau. Nõch 500 m lyt am linkè Dalrand s Ortszèntrum vu Möhringè, wo vo dè Donaudalbaan uus bediènt wörd. Uff Höchi vom Möhringer Zèntrum beschriibt d Strèggi èn langè Linksbogè um dè Möhringer Donaurank ummè un folgèd witter im Donaudal. Am Ändi vum Donaurank übberquert d Vobindungsschtrèggi dè Dobel vum Bettèbach bi km 4,5 mit èrè 42 m langè Bedongbrugg . S folgèt è graades Trassèschtugg, bis am rächtè Dalrand dè Ymündung vum Hattinger Sitèbachdal i s Donaudal lyt. D Vobindungsschtrèggi isch bis dörthy lycht aagschtygè un volauft öppè 32 m übberm Dalboddè vo dè Donau. D Donau sèlber übberlòt im Summerhalbjohr a dèrrè Stèll irè Bètt meischtens im ymündendè Hattinger Bach, well bi dè Mündung uugfäär d Mitti vo dè Donauvosickerung lyt.
Vobindungskurvè
ändere
Im Aaschluss a d Graadi fangt diè eigèntlichi Vobindungskurvè mit èm 172 m langè Einöddal-Viadugt (km 6,6) aa, gfolgt von èm lychtè Linksbogè, wo sich im spitzè Winkel a d Trassè vo dè Schwarzwaldbaan aaschmygè duèt.
Südwescht-Stutzè
ändereD Vobindungsschtrèggi volauft öppè 350 m eingleisig barallel zuè dè beidè Strèggègleis vo dè Schwarzwaldbaan, un zwar nõchdèm d Drènnschtell vo dè BD Stuègètt un dè BD Karlsruè übberschrittè isch. Adminischtrativ gsää hört bi dèrrè Drènnschtell d Hattinger Vobindungskurvè un au d Gäubaan uff.
Hattinger Baanhofsgleis
ändereD Trassè gòt witter in Nordchopf vum Hattinger Baanhof ; s Strèggègleis wörd in zwei Baanhofsgleis übberfüürt, welli zämmè mit dè Pendants us èm Schwarzwald s vyrschpurige Gleisfäld vum Hattinger Baanhof ergäbed. Nõch wittèrè 900 m Baanhofsgleis hört d Hattinger Vobindungskurvè bedrybstechnisch bi nèrè Kombination Aaschlussweichè un Üst am Südchopf vum Abzwygbaanhof uff. Guèt z sää isch d Üst wäg èm Strõßèbrüggle, wo uumittelbar drübber wäg gòt.
Gschichtè
ändereÈrschti Blään fürs Umgò vum Baanhof Immèdingè sin schu Aafang vum 20. Johrhundert mit dè Hegaubaan entschtandè, wo abber nit realisyrt worrè sin. Dõdemit isch s Hegau mit dè Baan gu Nordè nu übber d Schwarzwaldbaan un Immèdingè vobundè gsi, bis mò diè länderübbergryfèndi Baanschtrèggi vo Duttlingè im Schwõbèland nōch Immèdingè im Baddischè Obberland baut hèt, um diè zämmegschtügglèti Donaudalbaan bis vo Ulm bis zuè dè Donauquällè durch z vobindè. Mit sèllèrè Vobindung hèt mò näb dè Donaudalbaan au d Gäubaan a s Baddische Baannetz aabundè, für d Vobindung i s Hegau un an Boddèsee hèt mò abber in Immèdingè Kopfmachè müèsè. Kopfmachè hèt im Dampflokzitalter bedütet, dass mò d Dampflok hèt müèsè umsetzè, wa zituffwändig gsi isch [4]. Ußerdèmm hèt d Strèggèfüürung èn Umwäg vo oppè 6 km nõch sich zogè. Nadürlich hèt mò dè umschtändliche Bedrybsablauf voeifachè un d Strèggi vochürzè wellè, abber dè pragtische Wert isch es Geld bis zum Änd vo dè Weimarer Republik nit wärt gsi. Èrscht im Drittè Reich hèt mò dè Wärt von èm durrèbundènè Vokeer vo dè Gäubaan übber Duttlingè bis i s Hegau, an Boddèsee un bis zuè dè Schwyzer Gränz dütlich höcher taxyrt.[5] .
D Strèggi isch sèllèwäg im Raamè von èm Arbètsbeschaffungsbrogramm vu dè Nationalsozialischtè für d Vominderung vo dè Arbètslosigkeit vom 1. Juni 1933 entschtandè. Diè Baddischi Sitè isch im Bau vo dè Strèggi zögerlich gegèübber gschtandè. Anno 1927 hèt s sèllèwäg è Petition vo Immèdingè un wittèrè Gmeindè an dè Baddische Landdaag gää. Diè Baddischè Gmeindè hèn u. a. Sorg ghaa, well d Schwarzwaldbaan villicht zuè nèrè Näbbèbaan abgschtemplèt hèt wörrè chönnè.[4] Am 20. Septèmber 1977 hèt diè Dütsch Bundesbaan dè elegtrischi Bedryb uff dè Vobindungskurvè (un au uff dè Schwarzwaldbaan/Gäubaan) uffgnõ. D Donaudalbaan isch abber bis hüt (Stand: 2022) nit elegtrifizyrt worrè, wa dütlich d Relation vo dè Vobindungskurvè mit dè Gäubaan uffzeigt.
Diè Dütschi Baan wyst d Strèggi hüt zämmè mit dè Neggardalbaan, dè südlichè Gäubaan un dè südlichè Schwarzwaldbaan zwüschè Hattingè un Singè dè Gäubaan zuè.
Weblinggs
ändere- Lage, Verlauf sowie Geschwindigkeiten und Signale der Strecke uff OpenRailwayMap
Einzelnõchwys
ändere- ↑ DB Netz - Infraschtrukturregischter
- ↑ Eisenbahnatlas Deutschland 2011/2012. 8. Auflage. Schweers+Wall, Aachen 2011, ISBN 978-3-89494-140-6.
- ↑ D Bundesbaandirèktion Stuègètt uff bahnstatistik.de, abgruèfè am 7. Februar 2021
- ↑ 4,0 4,1 Albert Kuntzemüller: Die Badischen Eisenbahnen. 2. Auflage. G. Braun, Karlsruè 1953, S. 183, 259.
- ↑ Albert Kuntzemüller: Die badischen Eisenbahnen 1840–1940. Fryburg im Briisgau / Heidelbärg 1940, S. 131.
|
Dä Artikel basiert uff ere fräie Übersetzig vum Artikel „Bahnstrecke_Tuttlingen-Hattingen“ vu de dütsche Wikipedia. E Liste vu de Autore un Versione isch do z finde. |