D Bastet, au Bast oder Ubasti, isch än altägyptischi Göttin gsi.

Bastet as Chatz, Senckenberg Museum
Bastet as Leuewiibli

Name und Beschriibig ändere

In dr Hieroglypheschrift wird ihre Name (vo linggs noch rächts)  
W1X1
X1
  oder mit emä Determinativ
W1tB1
  (MdC Transliterierig: BAst.t ) gschriibe. Si wird hüfig as Chatz, mänggisch mit Chätzli, oder as Leuewiibli dargstellt. In menschliger Form het si im allgemeine ä Chatzechopf. Si hebt ä Sistrum, än Art Rassle, in dr Hand.

Wäse ändere

Si isch ursprünglig ä Leuewiibli, spöter ä Chatzegöttin gsi, und wie anderi Leuegöttine het si ä beschützendi Rolle gha, vor allem vom Däheim, aber mänggisch isch si au chriegerisch gsi, wie d Sachmet, und wie d Sachmet isch si au es Aug vom Re gsi.

D Grieche hai sä mit ihrere Jagdgöttin Artemis identifiziert.

Familie ändere

Hüfig het mä von erä as Dochter vom Sunnegott Re dänggt, mänggisch aber au as Dochder vom Amun. Si isch ä Gfährtin vom Ptah gsi und d Mueter vom Leuegott Mihos.

Kult ändere

Ihr Kultzentrum isch z Bubastis gsi, ä Stadt im Niildelta. In erä Nekropole dört het mä Chatzemumie gfunde, wo dr Bastet gopferet worde si. S Fest vo dr Bastet isch eis vo de groose ägyptische Volksfest gsi. Ihri Statue isch us em Tämpel uusedrait und uf ä Boot glade worde, denn het ä Prozessionsfahrt stattgfunde.[1] Dr Herodot, wo z Ägypte umegreist isch, het in dr Euterpe, em zweite Band vo siiner Gschicht, beschriibe wie d Lüt vo überall cho sige, gsunge, Musig gmacht und gopferet haige. Wil au vil Wii drunke worden siig, haig s au Pöbeleie und unzüchdigs Verhalte gä.[2]

Quelle ändere

  • George Hart, The Routledge Dictionary Of Egyptian Gods And Goddesses, Routledge 2005
  • Manfred Lurker, Die Götter und Symbole der alten Ägypter, Scherz

Weblingg ändere

  Commons: Bastet – Sammlig vo Multimediadateie

Fuessnote ändere

  1. James Henry Breasted, Ancient Records of Egypt, Deil Vier, § 973
  2. Herodot, Euterpe, 2.59ff.