Senna

Willkomme

Herzlich willkomme bi der alemannische Wikipedia!

S freut mi, dass Du zu uns gschtosse bisch. Falls du Froge hosch, kasch Du die uf der Syte «I bruuch Hilf» schtelle. Du kasch Di aber au gern direkt an andere Benutzer richte!

Und wenn Du mol was usprobyre willsch, dann isch d’«Schpilwys» s richtig Plätzle. Und ansonschte gilt einfach: Bis muetig --- An schäne Grueß, Melancholie 23:00, 16. Feb 2006 (UTC)

Sali Senna, i schliäss mi im Melancholie a. In dr Zwischezit bisch jo richtig aktiv, brafo! Zum Thema Johrezahle isch e Diskussion gloffe - hesch si gläse? Griäss di --Albärt 16:07, 24. Jun 2006 (UTC)

Jahresiiträäg

Danke für de Hiiwiis. Ich wird mich also mit de einzelne Jahre zrugghalte. I dr letsche Ziit hani sowieso meeh d' Jahrhundert und Jahrtuusige naagfüehrt. Wenns mi emal packt, willi denn auch bi de Jahrzehnte echli öppis derzue schriibe. Will ich gschichtlich bsunders interessiert bin, liit mir der Teil vo dr Wikipedia am Herze.

Wänn dü gschichtlig intressiärt bisch, wärs fir Dich villicht e nätti Ufgab, dr Artikel Geschichte der Schweiz, wu uf dr Kandidate-Lischte fir bsunders glungini Artikel stoht, noweng z alemannisiäre un abzrunde!
Was no wennig bekannt isch: Mer lege d Artikel zwar unterem standardditsche Stichwort a, mer derfe si nohär aber alemannisch iberschriibe - des goht eso: zwoo Glammere {{ }}, un do zum Biispiil Titel|D Gschicht vo de Schwiz niischriibe. Lueg emol as Biispiil dr Artikel Mackenheim. --Albärt 21:15, 30. Jun 2006 (UTC)

Grüezi, Kategori und Zit

Mecht dich auch härzlich willkomme heisse. Bisch jo guet om schaffe. Fier d Kategorie hem ma mol usgmacht, des ma di uf Alemannisch (abr mit gmässigtr Schriibwies) mache, hab dorum Zeitbegriff uf Zitbegriff voschobe. I glaub au, des Zit d bessri Schriebwies isch wiä Ziit, bin ma do abr nit gonz sicher. -- Test-tools 12:36, 27. Jun 2006 (UTC)

Namenskonvention

Salü Senna! Du hesch i letscher Zit e huufe Artikel über Persone gschrybe. Vilycht intressiirt dich die Diskussion do: Wikipedia:Stammtisch#Alemannischi_Namenskonvention.3F. Grüess, --Chlämens 11:15, 9. Aug 2006 (UTC)

Du meinsch also, dass ich z.B. bim Joseph Deiss de Titel {{Title|Dr Deiss Joseph}} oder bi dr Doris Leuthard de Titel {{Title|D Leuthard Doris}} jewiils no iifüege söll? --Senna 11:55, 9. Aug 2006 (UTC)

Jo des mein i. Des simmer jo am diskutiire, finsch du des sinnvoll? PS: S'isch besser Bilder uf Commons ufez'lade; goht gnau so wie hiir isch aber drno für alli Projäkt zugänglich. --Chlämens 12:51, 9. Aug 2006 (UTC)

Ich chume usere Gägend, wo mer mängisch au de Name vo Persone eso nännt. Ich sälber mach das nöd, aber älteri Lüüt scho. Ich finds uf em als.wiki no sinnvoll, eso chann mer sich sehr eifach es Schtuck vom de.wiki abgränze. Wird also bi Glägeheit die Bundesrät entschprechend betitle. --Senna 08:06, 10. Aug 2006 (UTC)

Bilder uf Commons

Wäge em Hiiwiis "Bilder sötted uf Commons glade werde", muess i säge, dass ich mini liebe Müeh han mit dem Commons. Mängisch chann ich deet es Bild ufelade, und denn wirds im als.wiki im entschprechende Artikel ums verrecke nöd aazeigt. Bi andere Bilder gaats denn wider. Ich han kei Aahnig, warum das eso isch, drum ischs mer verleided und di letsche Bilder hani denn direkt is als.wiki glade... Biischpiil: Bild:Nobelpreismedallie.JPG, das hani uf de Commons glade, im Artikel "Nobelpreis" isch es aber eifach nöd aazeigt worde. Erscht dänn, wonis ufs als.wiki glade han, isch das Bild dänn au im Artikel erschine.--Senna 08:12, 10. Aug 2006 (UTC)

Hmm, isch mir e Rätsel...Vilycht bruuchts e Zitlang bis dass s'Bild für alli z'bnutze isch. Merkwürdig. Isch egal i han des numme als Vorschlag gmeint, e Fan vo Commons binni au nüt grad; vorallem wemmer syni eigni Bilder wot uflade muss mer die drno ewig lang verteidige. --Chlämens 08:54, 10. Aug 2006 (UTC)

Christlicher Kalender

Bitte nit gli igschnappt si, aber die dytsch Wikiepdia (in Grenze au die englisch) isch bim Thema Kalender ideologisch vorlaśtet un au ugnau. Es werre dert Kalender un Kalenderäre mitenander verwexlet un mer redet, wemmer der in ere Diskussion dezent uf dr Underschid hiwiist, gege e Wand. Menke dert isch au d'Bezeichnig "Christliche Ära" suspekt, wil nit weltanschaulich neutral. Mit Usnahm vum Komplex "common era" vs. "anno domini" isch die englisch Wikipedia im Fall vu dr Kalender wesetlich besser wie die dytsch Wikipedia. D.h. entweder du, ich oder au suscht ebber sotte dr englisch un nit dr dytsch Bitrag as Grundlag vum alemannische Artikel nämme.

Was dr Artikel "Christlicher Kalender" agoht, so fallt säller eher under e Lemma wie "Kirchenjahr", wobi mer no au zwische Konfessione underschiide muess, aber grossi Deile vum Artikel "Christlicher Kalender" fer e Artikel "Kirchenjahr" verwende chönnt. Gruess, --W-j-s 22:57, 3. Okt 2006 (CEST)

Dialäktvorlag

Salü, i wöt frooge ob du öbis drgege hesch wenni bi Begriffchlärige oder sunschtige Syte mit numme 3-4 Sätz dyni Dialäktvorlag usenää. Grad bi Begriffchlärige ischs jo eigetlich nüt bsunders relevant ufem wellem Dialäkt jetz des Satzfragmentli gschrybe isch, s'hält eventuel aber Lüt vum bearbeite ab. Was seisch? Grüess, --Chlämens 03:10, 7. Dez. 2006 (CET)

Natürlich han ich da nüüt degäge. Und sorry, dass ich so lang nümme da gsii bin aber s'Läbe isch wider extrem stressig worde.--Senna 09:45, 27. Nov. 2007 (CET)

Babel/Europa

Hoi Senna, ich han de Babelbauschtei Benutzer us Europa bi dir usegno, mir beide sind di einzige gsi wo de verwändet hend, und mer chömed jo alli us Europa. Ebefalls heds d Kategorie Benutzer us Europa gar ned gäh, und mer hed si au niened sinnvoll chönne iibinde, drum hani en Löschaatrag för de Bouschtei ineghänkt, wenn en aber unbedingt wider wotsch chasch mers säge, ich han de Quelltegscht no gspeicheret und chanen wider herstelle. Liebe Gruess --Soundmaster 16:05, 29. Jan. 2008 (CET)