Blaue
| Blaue | ||
|---|---|---|
 Dr Hochblaue uf ere alde Boschtcharte (um 1900), vu Badewiler us gsähe | ||
| Hechi | 1.165 m | |
| Lag | Bade-Württeberg, Dütschland | |
| Gebirg | Schwarzwald | |
| Geografischi Lag | 47° 46′ 39″ N, 7° 42′ 4″ O | |
| ||
| Dialäkt: Markgräflerisch (Ebringe) |
Dr Blaue oder Hochblaue isch e Bärg im südliche Schwarzwald, und er isch 1165 Meter hoch. Dr Gipfel lit i dr Gmarkige vu Badewiler im Landchreis Brisgau-Hochschwarzwald un Schlienge sowie Malsburg-Marzell im Landchreis Löörech. Er isch e guete Ussichtspunkt mit Blick uf dr Schwarzwald, d’Oberrhiebeni, d’Vogese un d’Alpe.
Uf em Blaue befindet sich bi 47° 46' 42" n. Br. un 07° 42' 05" ö. L. e 21 Meter hoche Ussichtsturm (erbaut 1895 vum Schwarzwaldverein) in Stahlfachwerkbauwiis un bi 47° 46' 39" n. Br. un 07° 42' 07" ö. L. e 50 Meter hoche Fernmeldeturm vu dr Dütsche Telekom fer UKW un Richtfunk in Stahlbetonbauwiis (Typeturm). Vu dert werre folgendi Radio-Programme verbreitet: SWR1 Baden-Württemberg (89,2 MHz/8,4 kW), SWR2 (92,6 MHz/8,4 kW), SWR3 (97,0 MHz/8,4kW), Dütschlandfunk (105,1 MHz/10 kW), Radio Rägeboge (101,1 MHz/8,4 kW) und Bade FM (106,0 MHz/8,4 kW). Zuedem isch dert au s'Amateurfunkrelais DB0YE underbrocht.
Dr Sender versorgt hauptsächlich s’südlich Oberrhidal sowie wiiti Deile vu dr Landchreise Brisgau-Hochschwarzwald un Lörrach. Aber au in dr Nordwestschwiiz sin d’Blaue-Frequenze noch guet z’empfange. Bis am End vu dr 1980er Johre sin die domolige SWF-Programme bis witt hinter dr Vogese z’höre gsi. Ufgrund vu internationale Vereinbarige auch mit Frankriich het aber d’Leistig vum Sender in Westrichtig aber uf e Mindistmass reduziert werre.
-
wemme gege Chander luegt -
dr Sendeturm
Weblink
ändere
Commons: Blaue – Sammlig vo Multimediadateie
|
Dä Artikel basiert uff ere fräie Übersetzig vum Artikel „Hochblauen“ vu de dütsche Wikipedia. E Liste vu de Autore un Versione isch do z finde. |