Bryysgaumilch
D Bryysgaumilch (dt. Breisgaumilch) isch e dytschi Unternähmensgruppe in dr Milchverarbeitig im Sidweschte vu Bade-Wirttebärg.
| Breisgaumilch | |
|---|---|
 | |
| Unternähmensform | GmbH |
| Gründig | 6. März 1930 |
| Sitz | Fryybeg |
| Leitig |
Gschäftsfierer: Karl Laible |
| Mitarbeiter | 300 (2010)[1] |
| Branche | Molki |
| Uffdritt im Netz | http://www.breisgaumilch.de/ |
Zum 1. Dezämber 2010 wird d Unternähmensgruppe in Schwarzwaldmilch umgnännt[2].
Struktur un Chännzahle
ändere
D Bryysgaumilch-Gruppe isch in dr Rächtsform vun ere GmbH organisiert, d Aadeil vun ere wäre fascht vollständig vu rund 2.000 in dr Hauptsach chleine Milchvehbedriib im Yyzugsbiet Schwarzwald, Bryysgau un Schwyz (an dr Gränze zue Sidbade) ghalte. Si deile sich uf in d „Milcherzeugervereinigung Breisgau-Südschwarzwald eG“ (MEV 80%[3]), d „Milcherzeuger-Gemeinschaft Ortenau eG“ un d „Schwarzwaldmilch GmbH“, Offeburg.
S Stammkapital vu dr Bryysgaumilch isch im Jänner 2007 lyt bi rund 10 Millione Euro gläge. Im Johr wäre iber 200.000 Tonne Milch verschafft zue fascht allne Milchprodukt (ußer Chees), s Wärch Offeburg (Schwarzwaldmilch) het sich uf Milchbulver spezialisiert, au fir d Pharmainduschtri. Dr Johresumsatz isch 2004 bi 138,5 Millione Euro gläge. S Gschäftsjohr 2005 het mit eme Verluscht vu 1,875 Millione Euro gschlosse, s Unternähme chunnt aber allno ohni Kreditufnahme uus.
Dr Gschäftsfierer isch syt em 1. Juli 2009 dr Karl Laible, wu dr Noofolger vum Ernst Ehret isch. An dr bede Standort Fryybeg un Offeburg schaffe zämme rund 300 Mitarbeiter. Vorsitzer vum Ufsichtsrot isch dr Oppenauer Buur Anton Walter.
Dr wichtigscht Abnähmer vu dr Bryysgaumilch-Produkt im Handel isch d Edeka Sidwescht.[4]
Gschicht
ändereD Vorlaiferi vu dr Bryysgaumilch sin d „Milchgnosseschaft Fryybeg“, wu anne 1876 grindet woren isch, dr „Fryybeger Milchhof“ vu 1916 un „s Hildweins Milchverdriib“ gsi. Am 6. März 1930 sin si in d „Bryysgau Milchzentrale GmbH“ zämmegfasst wore, mit em Hauptzwäck vu dr Versorgig vu dr Bevelkerig vu dr Stadt Fryybeg. Im Grindigsjohr sin an d Gsellschaft scho rund 9,2 Millione Liter Milch gliferet wore, 1950 sin rund 15 Millione Liter Drinkmilch un iber 9 Millione Liter veredleti Milchprodukt produziert wore.
Noch em Zweete Wältchrieg sin nodno wyteri Gnosseschafte un Verarbeitigsbedriib im Sidweschte vum Land ibernuu wore.
1961/62 isch d Umfirmierig in „Bryysgau-Milch“ chuu, syt 1969 isch e stilisierti Chueschälle s Markezeiche vum Unternähme.
1981 het d „Bryysgau-Milch“ fascht alli Aadeil vu dr 1932 grindete „Schwarzwaldmilch GmbH“ z Offeburg ibernuu, het dr Namme un dr Markenuftritt vun sällere aber as zwete Deil vu dr Unternähmesgruppe bhalte.
Im März 2009 isch bekannt wore, ass e baar Produkt vu dr Molki, wu unter em Markenamme Schwarzwälder verdriibe wore sin, vun eme Unternähme im Allgai härgstellt wore sin. In dr Folg het sich s Unternähme zwunge gsäh, di beede Ufsichtsrotsvorsitzer Gottfried Herrmann un däm syy Stellverdrätter Markus Kaiser z entloo. Si sin verantwortli gsi fir die Umgstaltig, wu em Verbruucher vorgee gha het, s sej e Produkt us em Schwarzwald. Bis zue dr ändgiltige Chlerig vu dr Personalaaglägeheit uf dr Generalversammlig am 16. April 2010 het derno dr Bundesverband vu Dytsche Milchvehhalter d Mehrheit im Ufsichtsrot gha. An däm Dag sin dr Vorstand un dr Ufsichtsrot vu dr MEV gschlosse zruckdrätte, was am Vordag bin ere Grichtsverhandlig vor em Landgricht Fryybeg zum Vorfall im Merz veryybart woren isch.[3]
Marke
ändere- „Breisgaumilch“ (Dachmarke fir verschideni Milchprodukt)
- „Schwarzwälder“ („Weidemilch“ un anderi Milchprodukt, Premium-Linie)
- „Schwarzwälder Bioland“ (vu 1997 bis 2006 „Die Fallers – Eine Schwarzwaldfamilie“, Biomilch un anderi Biomilchprodukt)
- „Jogi“ (Jogurt, syt 1956)
- „LAC“ (lactosefreji Produkt)
- verschideni Handelsmarke (e baar Produkt vu dr Dachmarke „Mibell“/Edeka, „Milfina“/Aldi un „BioBio“/Plus)
D Veterinärkontrollnummere vu dr Produktionsstätte sin BW 376 (Fryybeg) un BW 382 (Offeburg)
Weblink
ändereFueßnote
ändere- ↑ breisgaumilch.de: Unternehmen, Zuegriff am 16. Februar 2010
- ↑ Jörg Buteweg: Breisgaumilch heißt bald Schwarzwaldmilch (Badische Zeitung, 15. Oktober 2010)
- ↑ 3,0 3,1 Jörg Buteweg: Wirtschaft (regional): Neue Machtverhältnisse bei Breisgauer Milcherzeugern, 16. April 2010, Zuegriff am 17. April 2010
- ↑ Jörg Buteweg: Wirtschaft (regional): Trotz Butteraffäre: Breisgaumilch-Umsatz stabil, 13. April 2010, Zuegriff am 25. April 2010
|
Dä Artikel basiert uff ere fräie Übersetzig vum Artikel „Breisgaumilch“ vu de dütsche Wikipedia. E Liste vu de Autore un Versione isch do z finde. |
Koordinate: 47° 59′ 30,6″ N, 7° 49′ 56,9″ O