Bruno Schäuble

Dr Bruno Schäuble (* 11. Mai 1929 z Wäär; † 28. Juli 2020 z Gundelfinge im Bryysgau) isch e dytsche Dokter un Autor gsii. Mer chännt en in dr Region vor allem fir sy Werterbuech vum Wäärerdütsch.

LääbeBearbeite

Dr Bruno Schäuble isch e Suhn vum Wilhelm Schäuble un syre Frau Rosa gsii, wu z Wäär dr Manufakturwarelade „Mutter & Schäuble“ gfiert ghaa hän. Dr Bruno isch no dr vierte Klass uf s Gimnasium z Schopfe gange. As Chind isch er Minischtrant un in dr kadolische Jungschar gsii. S Abitur het er no in dr Zyt vu dr franzesische Bsatzig gmacht. No dr Schuel isch er mit em Velo uf Paris gfahre. derno het er an dr Uniwersideet Fryburg Humanmedizin studiert.

Är isch Assischtänzdokter z Mannem un z Frankfurt am Main gsii. Ab 1957 isch er Dokter im Loretto-Chrankehuus z Fryburg gsii. Dert het er au d Hanna Hellmuth chänneglehrt. Si hän anne 1959 ghyrote un drei Chinder mitenander ghaa. Dr Schäuble het mit syre Frau z Gundelfinge gwohnt. Anne 1963 het dr Schäuble ne Internistischi Praxis z Fryburg ufgmacht un do bis 1997 gschafft.

Dr Schäuble isch mit em alemannische Dialäkt vu Wäär ufgwagse un het no syre Pensionierig aagfange dr Wortschatz vum Wäärerdütsch z sammle. Unter em Titel Wäärerdütsch – Mundart in Wehr het er anne 2002 im Drey-Verlag e Werterbuech uusegee. Anne 2021 het mer z Wäär im Rame vum Projäkt „Rettet das Wäärerdütsch“ aagfange, zue dr Werter im Werterbeuch Donufname z mache.

WäärchBearbeite

  • Wäärerdütsch – Mundart in Wehr. Drey-Verlag, Gutach 2002.

WeblinkBearbeite