Cabu
De Cabu, eigetlich Jean Cabut (* 13. Jänner 1938 z Paris; † 7. Jänner 2015 au z Paris), isch en französische Cartoonist und Karikaturischt gsi. Er isch bim Überfall und em aaschliessende Massaker, verüebd durch zwei maskiirti Manner, in de Redaktionsrüüm vo Charlie Hebdo zämme mit em Charb, em Tignous, em Wolinski, em Honoré, em Bernard Maris, dr Elsa Cayat und 5 witere Mönsche, drunder zwe Polizischte, ums Läbe cho.[1]
De Cabu het an de École Estienne z Paris studiirt. Sini erschte Zeichnige sind im 1954 von ere Lokalzitig veröffentlicht worde. Während em Algerie-Chrieg isch er zu de Armee iizoge worde, wo er für d Armeezitschrift Bled und in dere Ziit au fürs Paris-Match zeichnet het. D Armeeziit het ihn zu eme strikte Anti-Militarischt gmacht.
Wo er im 1960i d Armee het verlah, het er s Hara-Kiri-Magazin mitgründt und in de 1970er und 1980er Johr isch er sehr beliebt gsi, wo er für s Chinderfärnsehprogramm vo Récré A2 gschaffed het. Er het aber witerhin au politischi Karikature gmacht, bsunders für Charlie Hebdo und Le Canard enchaîné.
Im Februar 2006 het er e Kontroverse usglöst, wäge dr Covergstaltig vo Charlie Hebdo, wo sich uf de dänisch Karikaturestriit bezoge het.
Bim Terroraaschlag uf d Redaktion vo de Satiirezitschrift Charlie Hebdo isch er am 7. Jänuar 2015 gstorbe.[2]
Weblink
ändere
Commons: Cabu – Sammlig vo Multimediadateie- Cabu in der Internet Movie Database
Fuessnote
ändere- ↑ Blutbad in Paris NZZ, Artikel vom 7. Jänner 2015
- ↑ Les deux hommes criaient «Allah akbar» en tirant, 7. Januar 2015, L'Essentiel (französisch)