Dialäkt: Baseldytsch

Dr Carl Miville-Seiler (* 26. Juli 1921 z Baasel; Bürger vo Baasel; † 18. Juni 2021 au dert) isch e Schwizer Politiker (SP) gsi.

Carl Miville-Seiler (1986)

Lääbe ändere

Dr Carl Miville isch dr Soon vom Regierigs- und Nazionalroot Carl Miville senior gsi. 1941 het er aagfange, Jura z studiere, het denn aber in Aktivdienst müesse. Noch em Zwäite Wältchrieg het er as Sekretär vo dr SP Basel-Stadt gschafft (1946/47, 1951–56), as Redakzionssekretär vom VHTL z Züüri (1948–51) und as Redakder vo dr Basler AZ (1956–61). Vo 1961 bis 1964 isch er Amtsvormund gsi. Vo 1964 bis 1986 het er d AHV vom Kanton Basel-Stadt gläitet und vo 1978 bis 1986 au no d Usgliichskasse Basel-Stadt.

1947/48, vo 1953 bis 1964 und no äinisch vo 1968 bis 1978 isch dr Miville im Groosse Root vom Kanton Basel-Stadt gsässe, 1977/78 isch er au dr Bresidänt gsi. 1978/79 isch dr Miville Nazionalroot gsi und vo 1979 bis 1991 Ständeroot. Vo 1986 bis 1991 isch er au Mitgliid vo dr Parlamentarische Versammlig vom Öiroparoot gsi.

Vo 1972 bis 1977 isch dr Miville Bresidänt vo dr SP Baasel-Stadt gsi und vo 1978 bis 1985 vom VPOD Baasel-Stadt. Vo 1956 bis 1980 isch er im Bankroot vo dr Baasler Kantonalbangg gsi, vo 1964 bis 1980 im Dänggmolroot Baasel-Stadt.

Dr Miville het au Värs uf Baaseldütsch gschriibe und isch bis ins Alter vo 92 mit sinere Süscheliste bim Ridicule im Förnbacher Theater ufdräte.[1]

Wärgg (Uswaal) ändere

Fuessnoote ändere

  1. Vorfasnächtlicher Räppliregen bei Förnbacher, Basler Zeitung, 6. Januar 2013

Weblingg ändere

Michael Raith: Miville, Carl. In: Historisches Lexikon vo dr Schwiiz.