Carla Lia Monti
D Carla Lia Monti (* 1966 z Züri) isch e Schwyzer Filmmacheri, Draibuechautori un Bildhaueri.
Lääbe ändere
Noch em Vorkurs vu dr Hochschuel fir Gstaltig un Chunscht Züri (HGKZ) het d Carla Lia Monti d Fachklasse fir Bildhauerei an dr Basler Hochschuel fir Gstaltig bsuecht un het anne 1994 as aidgnessisch diplomierti ryymligi Gstalteri abgschlosse. Scho dodmol het si iri chinschtlerisch Praxis allmee uf s Medium Film uusgrichtet un iri erschte Trickfilm realisiert: «Im Film kommt alles zusammen, was mich interessiert: Bildkomposition, Musik, Schauspiel, Literatur, Architektur, Sprache, Dramaturgie, Bewegung. Ich hatte mein Medium entdeckt.»[1] Vu 1994 bis 1999 het si Film/Video an dr Hochschuel fir Gstaltig un Chunscht Züri studiert.
Näb dr Arbet an ire aigene Film schafft d Monti im Ufdrag as Reschiseeri, Script Supervisor un Produzänti, un derzue as Dozänti fir Dramaturgy un Filmgschicht. Si isch Mitgliid vu dr Schwyzer Filmakademy.
D Monti het zwai Chinder. Si läbt un schafft z Züri un in dr Bretagne.
Wäärch ändere
D Film vu dr Carla Lia Monti zaichne si dur visuälli un auditivi Opulänz, iberzaichneti Figure un chrabeschwarze Humor uus. Ire Abschlussfilm an dr HGKZ Walter Tell, e Dekonschtrukzion vum Schwyzer Nazionalheld Wilhelm Tell, isch vum Schwyzer Fäärnseh mitproduziert wore. Si het doderfir di beede Schauspiiler Hans-Peter Ulli un Antoine Monot Jr. castet, wu si au speeter wider mit ene zämegschafft het. No dr Uusstrahlig vum Film am 2. Augschte 1999 het dr Sänder ew Chlag am Hals ghaa.[2] Ire Spiilfilmdebüt „Räuberinnen“, e «sexuell aufgeladene Märchen-Parodie»[3] un losi filmischi Aaspiilig uf s Schillers Räuber[4], wu unter anderem uf dr Soledurner Filmdääg zaigt wore isch, het e effetlige Stryt iber d Schwyzer Filmferderig uusglest.[5][6]
Uusgläseni Filmografy ändere
- 2009: Räuberinnen
- 2002: Mama hat dich lieb
- 1999: Walter Tell
- 1998: Der König
- 1996: Die Forelle
- 1995: Toy
- 1994: Bruno Hammers Koffer
- 1994: Oh Gott
- 1993: Ade Maria
- 1992: Angels
- 1991: Eine Filmcollage
- 1988: Das flotte Rotkäppchen
Weblink ändere
- Carla Lia Monti in dr Internet Movie Database
- d Carla Lia Monti uf Swissfilms
- d Carla Lia Monti uf filmstudieren.ch
- d Carla Lia Monti uf crew-united.com
- d Carla Lia Monti uf artfilm.ch
Fueßnote ändere
- ↑ Frank Heer: Tattoos und Tabus. In: Annabelle 3/09, S. 58.
- ↑ Frank Heer: Tattoos und Tabus. In: Annabelle 3/09, S. 56.
- ↑ Räuberinnen auf Cineman
- ↑ Räuberinnen
- ↑ Monika Schärer: SF Box Office. 3. Juni 2009, abgruefen am 6. September 2022.
- ↑ Michael Sennhauser: Sennhausers Filmblog. 22. Januar 2009, abgruefen am 6. September 2022.
|
Dä Artikel basiert uff ere fräie Übersetzig vu dere Version vum Artikel „Carla_Lia_Monti“ vu de dütsche Wikipedia. E Liste vu de Autore un Versione isch do z finde. |