D Corine Mauch (* 28. Mai 1960 z Iowa City, USA; vo Töüffetu und Züri) isch e Schwiizer Politikeri vo de SP und sid 2009 d Stadtpresidänti vo Züri.

Corine Mauch

ires Läbe ändere

D Corine Mauch isch i de USA als schwiizerisch-amerikaneschi Dobbelbürgeri uf d Wält choo. Iri Mueter isch d Ursula Mauch, wo für de Kanton Aargäu vo 1979 bis 1995 Nazionalrääti gsi isch, ire Vater de Ingeniöör Samuel Mauch. Si isch i de USA und im Aargäu uufgwachse und hät a der ETH Züri Agrarökonomy und als zwäits Studium a de Uni Züri Sinology studiert und dän na a de Uni Lausanne de Master i de Politik- und Verwaltigswüssechaft gmacht.

Si hät zeerscht as Umwältbeuufträiti bi de Stadt Uschter, für di Schwiizerisch Gselschaft für Umwältforschig und Ökology, bim Büro Interface Politikstudien Luzern und as Projäktläiteri bi de Parlamäntsdienscht vo de Schwiizerische Bundesversamlig z Bärn gschaffet.

i de Politik ändere

D Corine Mauch isch sid 1999 für d SP im Gmäindraat vo Züri gsi. Am 2. Dezämber 2008 hät d SP sy as Kandidati fürs Amt vom Stadtpresidänt nominiert. Ane 2009 isch si im zwäite Waalgang vo de Zürcher und Zürcherine zur Stadtpresidänti gweelt worde.[1] Und da drmit isch si au d Läiterin vo dr stedtischen Exekutyve, em Stadtraat vo Züri.

Bi de Stadtratswaale ane 2010, 2014, 2018 und 2022 häpme si i dem Amt bestätiget.

Lueg au ändere

Weblink ändere

  Commons: Corine Mauch – Sammlig vo Multimediadateie

Fuessnoote ändere

  1. Zürichs erste Stadtpräsidentin heisst Corine Mauch. In: swissinfo.ch, 29. März 2009