Mont-Terrible
Mont-Terrible isch de Name vom ene französische Departemänt gsi, wo vom 1793i bis zum Johr 1800 exischtiert het. De gröschti Teil vom Gebiet vom damalige Departemänt ghört hüt zum Schwiizer Kanton Jura.
dr Name
ändereDe Name vom Departemänt chunt vom Pultbärg bi Saint Ursanne, wo uf französisch Mont Terri heisst. Der Bärg ligt südlich vo Cornol im Elsgau, also zmits im Gebiet vo dem Departemänt.
d Gschicht
ändereIm 1793 het Frankrich di Raurakischi Republik, wo im Dezember 1792 us Teil vom Fürschtbistum Basel entschtanden isch, anektiirt. S anektiirti Gebiet isch zum 84. Departemänt vo de erschte französische Republik worde. Im Johr 1800 isch s Departemänt em Oberelsass zuedeilt worde und dodermit vo de Landchart verschwunde. Bim Wiener Kongress ane 1815 isch de gröschti Teil vom Mont-Terrible denn zum Kanton Bärn cho.
s Biet und d Organisation
ändereS Departemänt du Mont-Terrible het am Aafang us de Dischtrikt vo Pruntrut und Delschbärg beschtande. De Dischtrikt Pruntrut isch in acht Kantön unterteilt gsi, dä vo Delschbärg in füüf. Im 1797i sind noch gwüssi Biet um Mömpelgard zum Departemänt cho und de Rescht vo de ehemolige Bsitzige vo de Fürschtbischöf vo Basel im Südjura. S Departemänt het in dere Ziit 210 Gmeinde gha und öppe 77'000 Iiwohner, gliichwohl het Frankriich s Gfühl gha, s Departemänt sigi z chlii und so isch es ebe im 1800 zum Département Haut-Rhin cho.
Weblink
ändere- André Bandelier: Mont-Terrible In: Historisches Lexikon vo dr Schwiiz.