Tachverband vo de Schwiizer Gmäinnützige Froue

en Tachverband i de Schwiz

Dr Tachverband vo de Schwiizer Gmäinnützige Froue (SGF) isch en Organisazioon vo dr Schwiizer Frouebewegig.

Der Verband isch anne 1888 z Aarau gründet worde. Er het denn Schweizerischer Gemeinnütziger Frauenverein gheisse. Initiiert worde isch der Verein vo de Emma Boos-Jegher, de Emma Coradi-Stahl und de Rosina Gschwind-Hofer, wo wäge Striit mit de andere Vorstandsmitglider us em Schwiizer Fraue-Verband uusträtte si.

Dr SGF isch gly en algemeine Rahme für vil Verein und Organisazioone gsi, wo sech i dr Schwiiz für die besseri Uusbildig vo de Meitli und de Froue, für d Gründig vo Huuswirtschafts- und Pflegerinneschuele und anderi Initiatyven ygsetzt händ. 1908 het er ghulfe die Schwiizerischi Veräinigung für Chinder- und Froueschutz gründe, wo spöter d Pro Juventute worden isch.

Dr Verband het sech zerscht nid mit de politische Zyl vo dr Frouebewegig befasst. 1918 het er denn aber au agfange d Yfüerig vom Frouestimmrächt im Land z verlange.

2004 het d Organisazioon dr nöi Name Tachverband vo de Schwiizer Gmäinnützige Froue agnoo. Si het dr Sitz z Länzbrg.

Lueg au ändere

Literatur ändere

  • Caroline Bühler: Die Geschichte des Schweizerischen Gemeinnützigen Frauenvereins SGF. Vereinstätigkeit, Selbstverständnis und das Verhältnis zu Frauenbewegung, Politik und Staat von 1888 bis 1996. Bern 1997.

Weblink ändere