Dorothée Reize
| Dialäkt: Undermarkgreflerisch |
D Dorothée Reize (* 5. Dezämber 1954 z Baasel) isch e Schwyzer Schauspiileri, Sängeri un Sprächeri.
Lääbe
ändereD Dorothée Reize isch e Schweschter vu dr Silvia Reize un isch z Baasel ufgwagse. No dr Matura het si vu 1975 bis 1978 an dr Schauspiilakademy Züri Schauspiil gleert un si derno z Berlin bi «Strasberg-Workshop» wyterbildet. Bi dr Eva Krasnay (Baasel), em Armin Appiani (Frankfurt am Main) un dr Barbara Martig-Tüller (Bärn) het si Gsang gleert.
Vu 1978 bis 1980 het si ne Engaschmänt an dr Landesbihni Hannover, wu si d Julia in s Shakespeares Romeo und Julia, d Jenny in Aufstieg und Fall der Stadt Mahagonny un d Emilia in Emilia Galotti gspiilt het, 1980 bi dr Summerfeschtspiil Feuchtwangen (d Julia in Romeo und Julia), 1980 bis 1983 an dr Verainigte Stedtische Bihne Krefeld-Mönchengladbach (d Luise in s Schillers Kabale und Liebe, d Lia in Ein besserer Herr, d Anne in Das Tagebuch der Anne Frank, d Laura in Glasmenagerie vum Williams un d Edrita in Weh dem, der lügt), 1983 bis 1987 am Thater Baade-Baade (d Desdemona in s Shakespeares Othello, d Ruth in Trilogie des Wiedersehns, d Marianne in Jakobowsky und der Oberst, d Lilian in Happy End, d Titelroll in Antigone vum Bertolt Brecht, d Witwe in Sorbas, d Titelroll in Gigi un d Marie in Woyzeck vum Georg Büchner), 1987 bi dr Summerfeschtspiil Bad Gandersheim (d Polly in Dreigroschenoper vu Brecht/Weill) un 1987 bis 1992 Stadttheater St. Galle (1988 d Rosaura in Das Leben – ein Traum vum Calderón, 1989 d Angélique in s Molières Der eingebildete Kranke, 1990 d Lena in Leonce und Lena vum Büchner, 1990 d Hermia in s Shakespeares Ein Sommernachtstraum, d Yvette in Mutter Courage vum Bertold Brecht, d Polly in Dreigroschenoper, d Sally in Cabaret, d Dr. Scott in Ist das nicht mein Leben, d Charlotte Corday in Marat/Sade).
Ab 1992 het si as freiberuefligi Schauspiileri an verschiidene Bihne gschafft, unter anderem 1991 bis 1992 am Stadttheater Bärn (d Eliza in My fair Lady), 1992 am Wallgraabe-Theater Fryburg (d Amnesia in nonsense), 1993 bi dr Feschtspiil Heppenheim (d Angela in Dame Kobold vum Calderón), 1995 bis 1996 an Atelier-Theater Bärn (d Beatrice in Diener zweier Herren vum Goldoni) un 1996 am Theater Dreiländereck Baasel (d Mirandolina in Mirandolina). 2009 het si am Casinotheater Winterthur d Frau Breitmeier in Business Class vum Domenico Blass noch em Martin Suter gspüiilt.
Si het het unter anderem mit dr Reschisseer Dieter Ballmann, Hartmut Holm Forche, Guido Huonder un Walter Renneisen gschafft.
D Reize het au in Musical gspiilt, unter anderem d Titelroll in Gigi, d Polly in Die Dreigroschenoper vu Brecht/Weill (1992, St. Galle, Reschy: Volkmar Kamm), d Eliza in My Fair Lady vu Loewe/Lerner (1989, St. Galle), d Claudia un d Anna in Drachenstein (2002-2003, KKL Lozärn), d Mutter Jonas in Jonas & Madelaine (KKL Lozärn, 2005), d Brigitte in Heidi – das Musical, Teil 1+2 (2005-2008, Seebüni Walestadt, Reschy: Stefan Huber), d Mrs. Umney in Das Gespenst von Canterville (2006-2007, Stadttheater Lozärn) un d Mrs. Eynsford-Hill in My fair Lady (2014, Seebüni Walestadt).
Ab 1983 het si as Sprächeri in verschiidene Heerspiile bi Radio DRS un SWF mitgmacht un het au Heerbiecher ufgnuu.
Ab 1994 het si ire Schwäärpunkt as Schauspiileri uf Film- un Fäärnsehprodukzioone verlait, aagfange mit dr Roll as Dr. Ruth Waldner in dr Serie Dr. Stefan Frank – Der Arzt, dem die Frauen vertrauen. Zwai Johr lang het si au in dr Schwyzer TV-Soap Lüthi und Blanc mitgspiilt. Im Kino het mer si zum eerschte Mool im Film Ernstfall in Havanna chenne sää an dr Syte vum Viktor Giacobbo. In dr Kumeedi Handyman het si zäme mit em Marco Rima gspiilt.
Syter anne 2000 duet si ufdrätte mit Lääsige un syt Meerz 2003 mit aigene literaarisch-musikaalische Brogramm.
Dernääbe git si Spräch- un Schauspiilunterriicht.
Filmografy
ändere- 1995–2001: Dr. Stefan Frank – Der Arzt, dem die Frauen vertrauen (Fäärnsehserie)
- 1999: Der letzte Sommer (Fäärnsehfilm)
- 1999–2000: Lüthi und Blanc (Fäärnsehserie)
- 2001: Wachtmeister Studer: Studers erster Fall (Fäärnsehfilm)
- 2001: Ernstfall in Havanna
- 2002: Alles wird gut (Fäärnsehfilm)
- 2005: Handyman
- 2006: Der Ferienarzt (Fäärnsehfilm)
- 2007: Nebenwirkungen (Fäärnsehfilm)
- 2008: Das Fräuleinwunder (Fäärnsehfilm)
- 2014: Der Bestatter (Fäärnsehserie, Folg Totenwache)
Literatur
ändere- Silke Christiane Keckeis: Dorothée Reize. In: Andreas Kotte (Hrsg.): Theaterlexikon der Schweiz. Band 3. Chronos, Zürich 2005, ISBN 3-0340-0715-9, S. 1478.
Weblink
ändere- Offiziälli Websyte vu dr Dorothée Reize
- Dorothée Reize in dr Internet Movie Database