Silvia Reize

Dialäkt: Undermarkgreflerisch

D Silvia Reize (* 1. Oktober 1948 z Bärn; † 19. Juni 2012 z Basel) isch e Schwyzer Schauspiileri gsii.

Leben

Grab uf em Wolfgottesacker z Basel.

D Reize isch z Afrika ufgwagse. No dr Matura het si ne Ballettuusbildig as Elevin am Stadttheater Basel bim Waclav Orlikowsky gmacht un e Dolmetscheruusbildig z Züri. Vu 1968 bis 1971 het si ne Schauspiiluusbildig am Bühnestudio Züri gmacht.. Dert isch si zwaimol mit em Emil-Oprecht-Bryys uuszaichnet wore.

Ire erscht Engaschmänt het si z Züri am Theater am Neumarkt iberchuu. 1971/72 het si am Theater Bade-Bade gspiilt, unter anderem d Eve in Der zerbrochene Krug vum Heinrich von Kleist, d Marie in Woyzeck vum Georg Büchner, d Thekla in Bürger Schippel vum Carl Sternheim, d Eliante in Der Misanthrop vum Molière).

Vu 1972 bis 1974 het si zum Ensemble vum Stadttheater Basel gheert, wu si unter anderem d Natascha in Nachtasyl vum Maxim Gorki (Reschy: Jan Kacer), d Jessie in Der Preispokal vum O’Casey (Reschy: Karl Wesseler), d Hedwig in Die Wildente vum Hendrik Ibsen (Reschy: Herbert Kreppel), d Elisabeth in Die Vermessenheit oder Das Schicksal Frankensteins vum Peake (Reschy: Daniel Spoerri), d Luise in s Schillers Kabale und Liebe (Reschy: Werner Düggelin), d Celia in Volpone vum Jonson (Reschy: Kacer), d Irina in Drei Schwestern vum Anton Tschechow (Reschy: Kosta Spaic) un d Angélique in s Molières Der eingebildete Kranke (Reschy: Max Peter Ammann) gspiilt het.

Gaschtspiil het si ghaa an dr Bihne vu dr Stadt Bonn, wu si 1975 d Karoline in Kasimir und Karoline vum Ödön von Horváth (Reschy: Hansjörg Utzerath) gspiilt het, an dr Landesbühne Hannover (1977/78 d Alkmene in Amphitryon 38 vum Giraudoux un d Lavinia in Trauer muss Elektra tragen vum O’Neill), am Rheinische Landestheater z Neuss (d Susanne in Halbwelt vum Alexandre Dumas), am Stadttheater Konstanz (d Titelroll in Die Kameliendame vum Dumas), an dr Burgfeschtspiil Jagschthause (1981 d Maria in s Goethes Götz von Berlichingen, Reschy: Peter Jacob, d Bianca in s Shakespeares Der Widerspenstigen Zähmung, Reschy: Ellen Schwiers, 1983 d Adelheid in s Goethes Götz von Berlichingen, Reschy: Joachim Hess, un d Mrs. Page in s Shakespeares Die lustigen Weiber von Windsor, Reschy: Joachim Hess), am Atelier-Theater Bärn, am Badische Staatstheater z Charlsrue (1988 d Isabella in s Shakespeares Maß für Maß), am Theater am Neumarkt Züri (1989 d Clara in dr Schwyzer Erschtuffierig vu Clara S. vu dr Elfriede Jelinek, Reschy: Gudrun Orsky), bi dr Zürcher Summerfeschtspiil vum Bernhard-Theater uf dr Hoche Promenade z Zürich (1994 d Olivia in s Shakespeares Was ihr wollt, Reschy: Helmuth Fuschl) un am Theater Basel (1996 d Lill Seidler in dr Schwyzer Erschtuffierig vu Vinny vum Klaus Pohl, Reschy: Herbert Schmidt-Rahmer).

Iri erscht Filmroll het si anne 1972 an dr Syte vum Hansi Kraus in dr Musikkumedi Meine Tochter – deine Tochter ghaa. Im Fäärseh het mer si zum erschte Mol anne 1974 chenne sääne, wu si d Titelroll in dr Verfilmig vum Buech Die Bettelprinzess vu dr Hedwig Courths-Mahler ibernuu het. Anne 1976 het si d Gisela in Das Brot des Bäckers vum Erwin Keusch gspiilt un 1978 d Ingrid in Das zweite Erwachen der Christa Klages vu dr Margarethe von Trotta. Derzue het si verschideni anderi Film- un Färnsehrolle ghaa, unter anderem in dr Krimiserie Ein Fall für zwei un in dr Familieserie Die Aubergers.

Au iri Schweschter Dorothée Reize isch Schauspiileri. D Silvia Reize isch mit em Basler Sportschurnalischt un Medienunternämer Hans-Ruedi Ledermann († 2004) ghyrote gsii un het e Suhn ghaa. D Silvia Reize isch am 19. Juni 2012 im Chrankehuus gstorbe, nodäm si uf dr Stääge gheit gsii isch.

Uusglääseni Filmografy

• 1972: Meine Tochter – deine Tochter
• 1974: Unter Ausschluß der Öffentlichkeit (TV-Serie)
• 1974: Die Bettelprinzess (TV)
• 1974: Der Steppenwolf
• 1975: Tatort: Mordgedanken (TV)
• 1975: Stumme Zeugen (TV)
• 1975: Eine ganz gewöhnliche Geschichte (TV-Serie)
• 1975: Der Strick um den Hals (TV-Dreidailer)
• 1976: Erika (TV)
• 1976: Das Brot des Bäckers
• 1976: Geburtstage (TV-Serie, ai Folg)
• 1976: Hans und Heinz Kirch (TV)
• 1976: Gesellschaftsspiele (TV)
• 1978: Das zweite Erwachen der Christa Klages
• 1978: Götz von Berlichingen mit der eisernen Hand
• 1978: Sonne, Wein und harte Nüsse (TV-Serie, Folg Die Sache mit der Morgenzeitung)
• 1979: St. Pauli-Landungsbrücken (TV-Serie)
• 1980: Die Jahre vergehen (TV)
• 1982: Die Pawlaks – Eine Geschichte aus dem Ruhrgebiet (TV-Serie)
• 1982: Der Alte (TV-Serie, ai Folg)
• 1984: Die schöne Wilhelmine (TV-Serie)
• 1985: Im Innern des Wals
• 1985: Marie Ward – Zwischen Galgen und Glorie
• 1985: Sprit für Spatzen
• 1985: Mord im Spiel
• 1985: Schöne Ferien – Urlaubsgeschichten aus Singapur und Malaysien (TV-Serie)
• 1987: Die Krimistunde (TV-Serie, Folg 24, Episod: Die Sache mit der freundlichen Kellnerin)
• 1991: Im Dunstkreis
• 1991: Das vergessene Tal (TV)
• 1992: Happy Holiday (TV-Serie)
• 1993: Hecht & Haie (TV-Serie)
• 1994: Ein unvergeßliches Wochenende (TV-Serie, ai Folg)
• 1994: Saubere Aktien (TV)
• 1994–1998: Ein Fall für zwei (TV-Serie, vier Folge)
• 1995: Inseln unter dem Wind (TV-Serie)
• 1997: Geisterstunde – Fahrstuhl ins Jenseits (TV)
• 1997: First Love – Die große Liebe (TV-Serie)
• 1997–1998: Die Aubergers (TV-Serie, segs Folge)

Literatur

• Jean Grädel: Silvia Reize. In: Andreas Kotte (Hrsg.): Theaterlexikon der Schweiz. Band 3. Chronos, Zürich 2005, ISBN 3-0340-0715-9, S. 1478 f.
• Hermann J. Huber: Langen Müller’s Schauspielerlexikon der Gegenwart. Deutschland. Österreich. Schweiz. Albert Langen • Georg Müller Verlag GmbH, München • Wien 1986, ISBN 3-7844-2058-3, S. 816.

Weblink

• Silvia Reize in dr Internet Movie Database
• Silvia Reize bi filmportal.de