Eglisauer Ysèbaabrugg

47.5776138888898.5103777777778

Eglisauer Ysèbaabrugg
Eglisauer Ysèbaabrugg
Brucht as	Ysèbaabrugg
Goot über	Rhy
Ort	Eglisau
Konstrukzioon	Fachwärchbrugg
Gsamtlengi	457 Meter
Grössti Stützwiti	90 Meter
Hööchi	50 Meter
Aafang vom Baue	1895
Fertig worde	1897
Lage
Eisenbahnbrücke Eglisau (Schweiz) Eisenbahnbrücke Eglisau

D Eglisauer Ysèbaabrugg (au Rhybrugg Eglisau) isch è eingleisigi Ysèbaabrugg übber dè Rhy weschtlich vo dè Schwizer Stadt Eglisau.

Si füürt d Baanschtreggi vo Büli nõch Schaffuusè über de Fluss un isch i dè Johr 1895 bis 1897 durch diè dòmòligi Schwizerischi Nordoschtbaan für 980'000 Schwizer Frankè baut worrè. D Brugg hèt è Gsamtlängi vo 457 Meter un è Höchi vo 50 Meter übber m Rhy.

Beschrybig

S Bauwärch isch è iisernè Fachwärchbrugg, welli uss èrè 90 Meter langè un 9 Meter hochè gniètetè, doppletè Ständerfachwärchkonschtruktion bschtòt, wo vo dè Guètèhoffnigshüttè gliferèt worrè isch. D Fachwärchsbrugg isch nõch dè Fèrtigschtellig mit èrè Schotterwannè uusgschtattet worrè. D Montage hèt füüf Mönèt duèrèt un hèt öppè ei Drittel vo dè Gsamtkoschtè uusgmacht. Nebbè m Mitteldeil stôn uff dè rächtè Rhysitè zwölf mit kalchschtei vo de Lägèrè gmuèrti Steibögè, dènnè ir Gwölbe jewyls è lichti Witti vo 15 Metern uffwysèd. Uff dè linkè Rhysitè, wo s Viadukt im Grundriss bogè isch, sin nüü Steibögè, ebbèfalls mit 15 Meter Öffnigsbreiti, vorhandè.

Nõch dè Inbedrybnaam vo dè Brugg isch a dè beidè Gewölbe nebbè dè Hauptöffnig Senkungè un Riss am Scheitel festgschtellt worrè sowiè Bewegungè vo dè Uferpfyler in Richtung vo dè Fachwärchbrugg gmessè worrè. Ursach defür isch dè horizontal wǜrkendè Schub gsi, wo vom Gewölbe hervorgruèfè worrè isch un uff diè 60 Meter hochè Uferpfyler druggt hèt. Um è uusrychendi Standsicherheit z gwôrleischtè, isch dõher 1921 è Hebelvorrichtig am voschièbbarè Lager vo dè Fachwärchbrugg ybaut worrè, wo è Uffnaam un Witerleitig vum Gwölbeschub möglich macht. 1982 isch d Brugg grundlegend sanyrt worrè.

Bilder

• 
  Bligg vo dè Mitti vum Hochrhy in Höchi knapp obberhalb Eglisau uff d Ysebaabrugg un d Strõssèbrugg vu Eglisau
• Zwei Dampfloks uff dè Rhybrugg am Ènd vum Film
• Passyrendi Züüg i beidi Richtungè, Schaffuusè un Züri, wo s Eglisauer Viadukt übberquèrèd

Literadur

• W. Stadelmann: Rheinbrücken des 19. Jahrhunderts aus Eisen uss: Schwiz.Ing.u.Architègt, 1989, ISSN 0251-0960
• Schweizer Bahnbrücken Hrsg.: SBB Fachschtell für Denkmòlpfleeg + GSK Gsellschaft für Schwizer Kunstgschichte, Scheideger & Spiess 2013, ISBN 978-3-85881-393-0, S. 118–123

Weblinggs

 Commons: Eisenbahnbrücke Eglisau – Sammlig vo Multimediadateie

• Eisenbahnbrücke Eglisau. In: Structurae.

Einzelnõchwys

Di nögscht Brugg flussufwärts: Strossebrugg Eglisau

Bruggene öber de Rhy

Di nögscht Brugg flussabwärts: Chraftwärch Eglisau-Glattfälde

Dä Artikel basiert uff ere fräie Übersetzig vu dere Version vum Artikel „Eisenbahnbrücke_Eglisau“ vu de dütsche Wikipedia. E Liste vu de Autore un Versione isch do z finde.