Hauptmenü ufmache
Dialäkt: Friburgerisch (eltere Stadtdialekt)
Eugen Keidel (1968)
Grab vum Eugen Keidel uf em Friburger Hauptfridhof

De Eugen Keidel (* 4. September 1909 z Manne; † 31. Dezember 1991 z Friburg) isch vu 1962 bis 1982 Owerburgermeischter vu Friburg im Brisgau gsii. Drotz dass er Mitglid vu de SPD gsii isch, het er au witt bis in s burgerlig Lager großi Unterstitzig kenne finde.

LeweBearbeite

De Keidel kunnt us ere liberal iigstellte badische Familie. Er het z Friburg, z Minche, z Berlin un z Heidelberg Rechts- un Staatswisseschafte studiert. Sitt 1929 isch er Mitglid vum Corps Rhenania Friburg gsii.[1] Anne 1937 het er z Heidelberg zum Doktor vu de Recht promoviert.

Vu 1938 bis 1946 het de Eugen Keidel in ere leitende Position in de Maschinefabrik Buckau R. Wolf z Magdeburg gschafft. Dezwische isch er 1944/45 zur Wehrmacht iizoge wore.[2] Ab 1947 het er in de Stadtverwaltig vu Karlsrue gschafft, ab 1955 als Stadtdirektor[2] Dert isch er zerscht fir d Neiornig vu de Wirtschafts- un Versorgigsiirichtige verantwortlig gsii, deno isch er Leiter vum Schuel- un Kulturreferates wore.

Anne 1962 Keidel z Friburg fir s Amt vum Owerburgermeischter kandidiert. Im erschte Wahlgang isch er knapp vor em Friburger Burgermeischter Gerhard Graf glege, isch awer nit iwer 50 Prozent kumme. Im zwote Wahlgang am 7. Oktower isch er deno mit ere Mehheit vu 65 Prozent zum Nofolger vum Josef Brandel wore.

In d Amtszitt vum Eugen Keidel isch d Uusdehnig vu dr Stadt no Weschte mit de neie Stadtdeil Landwasser un Weigarte gheit. Große Iifluss het er au uf de Bau vum speter no ihm gnennte Thermalbad (Eugen-Keidel-Bad) ghet. Au de Uusbau vum Stadtring, eini vu de erschte Fueßgängerzone z Ditschland un d Erschließig vu neie Wassergwinnigsgebiet gehn uf sii Konto. Er het d Stadtwerch un d Verkehrsbetrib in selbschtständigi Gsellschafte umgwandlet un het niin Gmeine dezue brocht, dass si iigmeindet wore sin: (Lehe, Opfige, Walterschoufe, Dienge, Munzige, Hochdorf, Ebnet, Kappel un Mundehof).

Bi dr Wahl 1970 isch er mit 78,1 Prozent im Amt bstetigt wore. Am 15. November 1982 isch er in de Ruestand gange. Sii Nofolger isch de Rolf Böhme wore. In de Nacht zum Silveschter 1991 isch de Eugen Keidel noch ere kurze Kranket gstorwe. D Truurfiir isch im Friburger Minschter gsii.

De Eugen Keidel isch mit de Karlsrueri Claire geb. Wittmer ghirote gsii, wu 2010 gstorwe isch[3].

Ußer em Eugen-Keidel-Bad isch no ihm au de 1981 baut Eugen-Keidel-Drum uf em Schauinsland gnennt.

UuszeichnigeBearbeite

  • Ehreburger vu Friburg
  • Großes Bundesverdienschtkriz mit Stern
  • Ehresenator vu de Albert-Ludwigs-Universität Friburg
  • Großkriz vumitalienische Verdienschtorde
  • Großkriz mit Stern vu Afrika (Liberia)
  • Großkriz vum souveräne Malteser-Ritterorde
  • Officier dans l'Ordre des Palmes Académiques
  • Verdienschtmedaille vum Land Bade-Wirtteberg

LiteraturBearbeite

  • Kalchthaler/Preker (Hrsg.): Freiburger Biographien. Freiburg 2002 (S. 322 f.)

FueßnoteBearbeite

  1. Kösener Corpslisten 1960, 35, 1053
  2. 2,0 2,1 Eugen Keidel, Internationales Biographisches Archiv, 10. Februar 1992, im Munzinger-Archiv, abgruefen am 7. Februar 2011
  3. „Frau des früheren Oberbürgermeisters: Freiburg trauert um Claire Keidel“, Badische Zeitung vum 21. Juni 2010
  Dä Artikel basiert uff ere fräie Übersetzig vu dere Version vum Artikel „Eugen_Keidel“ vu de dütsche Wikipedia.

E Liste vu de Autore un Versione isch do z finde.