FBW

D FBW, eigetli Franz Brozincevic & Cie., isch e Fabrikant vo Laschtwääge i dr Schwiiz gsi.

De Franz Brozincevic, wo ane 1892 us Kroazie id Schwiiz ygwanderet isch, hät 1910 z Züri aagfange Laschtwääge boue. Die Faarzüüg händ de Naame Franz gha und sind i de Schwiiz als Poschtauto pruucht worde.

1916 hät de Brozincevic d Motoorefabrigg z Wetzike gchauft, und vo 1918 aa hät di nöi Firma FBW z Wetzike Laschtwääge und Autobüs bout. Im Zwäite Wältchrieg hät d Schwiizr Armee vil Laschtwääge vo de FBW ygsetzt. Und sid de 1950er Joore sind i de Autofabrigg z Wetzike au Trolleybüss konstruiert worde.

1978 hät de Konzärn Oerlikon-Bührle d FBW übernaa, und 1982 isch die mid em Saurer z Arbon zsämegläit worde. D Fabrigg z Wetzike hät ane 1985 de letscht FBW-Laschtwage gliferet.

Bilder

• 
  FBW Poschtauto vo 1951
• 
  FBW-Frontlänker
• 
  FBW C40U Poschtauto
• 
  Buss vom Automobilvercheer Frutige-Adelbode
• 
  FBW Poschtauto vo 1978
• 
  FBW 71U Trolleybus vo 1983
• 
  FBW Flugzüügtankwage

Weblink

 Commons: FBW-Fahrzüüg – Sammlig vo Multimediadateie

• Website vom FBW-Club