Fritz Hockenjos
Dr Fritz Hockenjos (* 26. Merz 1909 z Lohr; † 24. Februar 1995 z St. Märge)[1] isch e dytsche Forschtdiräkter, Autor un ehrenamtlige Naturschutzbeufdraite vum Landkrais Hochschwarzwald gsii.[2]
Lääbe ändere
Dr Hockenjos isch ab 1916 uf d Volksschuel un no vu 1919 bis 1928 uf s humanistisch Gimnasium vu syre Haimetstadt. Noch em Abitur het er ab 1934 Forschtwisseschaft an dr Uniwersitete Fryburg un Minche studiert. Noch em Abschluss vum Studium het er vu 1937 bis 1939 d Stell vum Zweete Forschtbeamte am Forstamt z Chander ghaa. Vu 1948 bis zue syre Pänsionierig anne 1974 isch dr Hockenjos Laiter vum Forschtamt St. Märge gsii, wun er naturnoche Waldböu dribe het un dodermit syre Zyt wyt voruus gsii isch. Är het mit syre Frau fimf Chinder ghaa.
im Chrieg ändere
Dr Hockenjos isch im Zweete Chrieg vu 1939 bis 1945 as Soldat z Frankrych un in dr Sowjetunion yygsetzt gsii un isch no in franzesischi Chriegsgfangeschaft grote, wun er 1948 drus entloo woren isch. Unter anderem sich er Hauptmann vu dr Reserve un stellverdrättende Fierer vum II. Bataillon vum Grenadier-Regimänt 380 (215. Infanteri-Division) gsii. An dr Oschtfront isch ihm u. a. s Ritterchryz vum Yyserne Chryz verliie wore.[3]
Naturschitzer ändere
Vu 1953 bis 1973 isch dr Hockenjos ehrenamtlige Kraisbeufdraite fir Naturschutz un Landschaftspflääg z Neistadt im Schwarzwald gsii, un anne 1953 isch er Hauptnaturschutzwart vum Schwarzwaldverain as Noofolger vum Hermann Schurhammer wore, ne Amt, wun er bis 1970 ghaa het. Im nämlige Johr het er aus s Amt vun eme Obmann vu dr Arbeitsgemeinschaft Heimatschutz Südbaden ibernuu[4] un het mit ire erfolgryhc gege d Blään fir e Staudamm in dr Wueteschlucht im Hochschwarzwald kämpft. D Arbetsgmainschaft het er intänsivi Effetligkaitsarbet mit ere Unterschriftenakzion gmacht un isch dodermit e Vorbild gsii fir mänki speteri Burgeriniziativ.
Ab 1970 isch dr Hockenjos Bresidänt vum Schwarzwaldverain gsii. Bi sym Uusschyden as Bresidänt 1979 isch er zum Ehrebresidänt ernännt wore.
Ehrige un Mitglidschafte ändere
- Yyserners Chryz (1939) II. un I. Klass
- Dytsch Chryz in Gold am 2. Mai 1944[5]
- Ritterchryz vum Yyserne Chryz am 2. Septämber 1944[5]
- Oberrhynische Kulturbryys 1973
- Verdienschtmedaille vum Land Bade-Wirttebärg 1977
- Bundesverdienschtchryz 1. Klass 1979
- Mitglid vu dr Landessynod vu dr Evangelische Landeschilche Bade
- Fritz-Hockenjos-Stääg vum Schwarzwaldverain in dr Wueteschlucht[6]
- Fritz-Hockenjos-Waldlehrpfad vu dr Gmai St. Märgen [7]
Biecher ändere
- Die Wutachschlucht. Rosgarten Verlag, Konstanz 1964. 64 S.
- Wanderungen in Alemannien. Verlag Moritz Schauenburg, Lahr/Schwarzwald 1969 (Silberdistel-Reihe 61/63)
- Wäldergeschichten. Aus dem Herrgottswinkel des Schwarzwalds. 131 S. Schillinger Verlag, Freiburg 1994
- mit em Willi Paul: Wanderführer durch die Wutach- und Gauchachschlucht. 148 S. Rombach, Freiburg 1989
- Querweg Freiburg-Bodensee. 108 S. Schillinger Verlag, Freiburg 1985
- St Märgener Welt. 99 S. Schillinger Verlag, Freiburg 1985
- Worte des Widerstandes gegen die Vergiftung der Wälder. Dreisam-Verlag, Freiburg 1985
- Durch den Schwarzwald. Auf der Fährte der Hohenheimer Forstkandidaten 1832. Forstl. Versuchs- un Forschungsanstalt Baden-Württemberg, Freiburg 1982
Quälle ändere
- Barbara Häcker: 50 Jahre Naturschutz in Baden-Württemberg. 305 S. Ulmer Stuttgart. Porträt von Hockenjos auf Seite 282.
Weblink ändere
Fueßnote ändere
- ↑ Andreas Klimt: Kurschner's Almanac of German Literature 2000. S. 1304. (Iigschränkti Vorschau uf books.google.de)
- ↑ Badische Zeitung: Spuren in den Wäldern hinterlassen vum 26. Merz 2009.
- ↑ Hermann Riedel: Halt! Schweizer Grenze!, Im Verlag des Südkurier, 1984, S. 29 und 41 (Iigschränkti Vorschau uf books.google.de).
- ↑ Richard Schmidt, Hochschule für Politik München (Hrsg.): Zeitschrift für Politik. Band 45, C. Heymann, 1998, S. 44. (Iigschränkti Vorschau uf books.google.de).
- ↑ 5,0 5,1 Veit Scherzer: Ritterkreuzträger 1939–1945. Die Inhaber des Eisernen Kreuzes von Heer, Luftwaffe, Kriegsmarine, Waffen-SS, Volkssturm sowie mit Deutschland verbündete Streitkräfte nach den Unterlagen des Bundesarchivs. 2. Auflage. Scherzers Militaer-Verlag, Ranis/Jena 2007, ISBN 978-3-938845-17-2, S. 394.
- ↑ Rundwanderweg Nr. 5 / Boll über Schattenmühle und Lotenbachklamm
- ↑ Fritz Hockenjos-Steg