Glarnerland
Mit Glarnerland meint me normalerwiis de Kantuu Glaris, en Kanton i de Ostschwiz.
Glarnerland heissed aber au zwee Raststätt a dä Schwizer Autobahn A3 uf Höchi Ziegelbrugg im Kanton Glarus. Si ligged beedi uf em Gebiet vo de ehemolige Gmeind Niderurne, aso i de hütige Gmeind Glarus Nord. Di grösser vo däne beedne Raststätte erreicht me noch de Iifahrt Bilte, wäme vo Züri uf Chur fahrt. Di chlinner isch noch em Iilänker vo Niderurne oder über d Iifahrt Weese erreichbar, wämmer vom Walesee i Richtig Zürisee fahrt. Beedi Raststätt händ e Tankstell, e Restorant und sind mit eme Tunnel för Fuessgänger mitenand verbunde.
