Glaris Nord
Glaris Nord isch ä politischi Gmeind im Kantuu Glaris.
| Glarus Nord | |
|---|---|
 | |
| Basisdate | |
| Staat: | Schwiiz |
| Kanton: | Glaris (GL) |
| Bezirk: | (De Kantuu Glaris kännt kai Bezirk.) |
| BFS-Nr.: | 1630 |
| Poschtleitzahl: | 8752, 8753, 8757, 8758, 8865–8868, 8874 |
| Koordinate: | 723311 / 217739 |
| Höchi: | 437 m ü. M. |
| Flächi: | 146,98[1] km² |
| Iiwohner: | 19'428 (31. Dezämber 2022)[2] |
| Gmeindspräsident: | Thomas Kistler (SP) |
| Website: | www.glarus-nord.ch |
.jpg) Glarus Nord bei Niederurnen, Luftbild von Norden | |
| Charte | |
 | |
Die Gmeind isch bi de Glarner Gmeindsreform per 1. Jänner 2011 entstande, wo di bishärige Gmeinde Bilte, Filzbach, Mollis, Mülihorn, Näfels, Niderurne, Oberurne und Obstalde zu de nüüe Gmaind Glaris Nord fusioniert händ.
Geografii ändere
D Gmaind liit im Nordtail vom Kantuu. I de Mitti isch dr under Tail vum Lintl mit de Ortschafte Mollis, Näfels und Oberurne und Wiiler Schnaisige und Beglige; undedra chunt dr glarner Tail vu dr Linthebeni, mit de Dörfer Niderurne und Bilte und de Sidlig Ziegelbrugg. D Nordgränze isch im Linthkanaal. Im Nordoschte gaat de Gmaindsbann bis an Waalesee. Uf em Cheränzerbärg sind d Ortschafte Filzbach und Obstalde; am See unde nuch Mülihorn.
Uf de Weschtsiiten isch d Bärglandschaft rund um s Niderurnertal, s Schwändital und s Oberseetal. En Vorgipfel vum Rädertestogg (2'294 m ü. M.) zhinderscht im Oberseetal isch de höggscht Punkt uf der Site vu de Gmaind; der Spitz isch uf 2'213 m.
Im Oberseetal sind de Obersee und de Haslesee.
Im Oschte vom Tal gaat de Gmaindsbann bis wit über de Müürtschestogg use. Es Sitetal vum Murgtal ghört nuch dezue, und im Norde de Cheränzerbärg oben em Waalesee.
Dur d Linthebeni und em Waalesee naa lauft d Ysebaan vo Züri uf Chur und au d Autobaan und e Kantonsstraas. A de Autobaan häts uf em Gmainsbann drüü Uusfaarte. De Baanhof Ziegelbrugg isch uf de andere Site vom Linthkanal uf Bode vu Schänis.
Z Mollis isch e Flugplatz.
Weblink ändere
Commons: Glarus Nord – Sammlig vo MultimediadateieFuessnote ändere
- ↑ Zahlen und Fakten, Website der Gemeinde Glarus Nord, abgerufen am 8. Juni 2011.
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
