Hauptmenü ufmache

D Gränchner Witi isch en naturbelasseni Landschaft an der Aare südlich von dr Schtadt Gränche und wiitere Gemeinde in Wescht-Oscht-Richtig dört. Die Witi gilt als Hasechammere von dr Schwiiz, wills dört no verglichswiis vieli Fäldhase giit. Aber au selteneri Vogelarte wie dr Kiebitz und d Fäldlerche chönnt dört no uuf offnem Fäld brüete. Das, will nur en schpeziell gfördereti extensivi Landwirtschaft, wo Rücksicht uuf d Natur nimmt, betriibe wird. D Schwiizer Landesregierig het d Witi zuedem zum Wasser- und Zugvogel-Reservat vo nationaler Bedüütig erklärt. Nebscht dr naturnahe Bewirtschaftig isch in dr Witi au en naturverträglichi Naherholig für d Mensche gwährleischtet. Au s angrenzende Aareufer schtoht unter Naturschutz.

QuelleBearbeite

Kantonsverwaltig Soledurn: Kantonale Landwirtschafts- und Schutzzone Witi - Projekt zur Erhaltung einer einmaligen Landschaft