S Grossbasel isch dr linggsrhiinisch Stadtdeil vo dr Schwizer Stadt Basel.

Die Middleri Brugg mit Grossbasel
Dialäkt: Baseldütsch

S Grossbasel umfasst d Quardier Iseli, Santihanns, Gotthälf, Gundeli, Bachlätte, Bruederholz, Breiti, Dalbe, Am Ring, d Vorstedt und d Grossbasler Altstadt.

D Altstadt mit em Münster uf em Münsterhügel und rund um e Märtblatz mit em Roothuus us em 14. Johrhundert isch s eigetlige Zentrum vo Basel. Die änge Stroosse und Gasse lade zum Flaniere ii.

S linggsrhiinische Grossbasel wird dur e Iisebahnbrugg, vier Stroossebrugge und vier Personefährene mit em rächtsrhiinische Chlaibasel verbunde.

Koordinate: 47° 33′ 13″ N, 7° 34′ 56″ O; CH1903: 610800 / 267000

Dä Artikel basiert uff ere fräie Übersetzig vum Artikel „Grossbasel“ vu de dütsche Wikipedia. E Liste vu de Autore un Versione isch do z finde.