Harper’s Bazaar
Harper’s Bazaar isch dr Ditel vom ene amerikanische Modemagazin, wo wältwit in 19 Länder erschiint. Jede Moonet wärde herusraagendi Fotograafe, Künstler, Disäiner und Autoore iiglaade, z beschriibe, wi si d Wält vo dr Mode, Schöönhäit und Popkultur gseen. S Magazin ghöört zur Hearst Corporation.
Ditelsite 3. Oktober 1868
Bi dr Erstusgoob vom Magazin 1867, wo denn dr Ditel Harper’s Bazar gha het, isch es s ersti vo sinere Art gsi. Gründet worde isch s vo de Verleeger Harper & Brothers (spööter HarperCollins), wo au s Harper’s Magazine uusegee häi. Sit denn het sich s Blatt zum ene Hort für ussergwöönligi Talänt entwicklet. Under anderem häi Moderedaktöör wie dr Carmel Snow, dr Alexei Brodowitsch, d Diana Vreeland, d Anna Wintour, d Carrie Donovan, d Millicent Fenwick oder d Liz Tilberis für s Magazin gschafft und renommierti Fotograafe wie dr Man Ray, d Louise Dahl-Wolfe, dr Richard Avedon, d Inez Van Lamsweerde, d Diane Arbus und dr Patrick Demarchelier.
S Harper’s Bazaar erschiint in deene Länder: Dytschland, USA, Australie, Tschechie, Schbaanie, Griecheland, Hongkong, Indoneesie, Japan, Südkorea, Vietnam, Chile, Kolumbie, Mexiko, Venezuela, Litaue, Russland, Singapur, Taiwan, Türkei und Groossbritannie. E dütschi Usgoob vom Harper's Bazaar het s vo 1985 bis 1999 gee.
Die scherfsti Konkurränz isch scho sit em Ändi vom 19. Joorhundert d Vogue, won en äänligi Ziilgrubbe het. Im Juli 2006 het s Magazin d Britney Spears blutt mit schwarze Hoor und im säggste Moonet schwanger uf dr Ditelsite vo dr US-Usgoob zäigt, und das het für vil Ufseä gsorgt.
Weblingg ändere
|
Dä Artikel basiert uff ere fräie Übersetzig vum Artikel „Harper’s_Bazaar“ vu de dütsche Wikipedia. E Liste vu de Autore un Versione isch do z finde. |