S Huus Hueber

S Huus Hueber isch e dänggmolgschützts Woonhuus an dr Hackbärgstrooss 29 z Rieche.

S Huus Hueber

Dialäkt: Baseldütsch

S Huus isch 1928 vom Baasler Archidekturbüro Artaria und Schmidt im Stiil vom Nöije Baue entworfe und baut worde. Zämme mit em Huus Colnaghi und em Huus Schaeffer ghöört s zu de Mäisterwärk vo dr avantgardistische Modärne in dr Schwiz.

S vierstöckige Huus stoot e chli vo dr Strooss äwägg kwer zum Hang und si Hauptfront luegt uf e Gaarde im Süüde. Es isch uf eme Staalskelett ufbaut, wo d Ornig vom Entwurf bestimmt. Im Bardeer si Woon- und Ässzimmer, d Schloofzimmer oobe nooche gönge uf e Gang uuse hinde nooche. D Fassade isch zum Däil zue mit Schiebfänster, wo bündig in dr Fassade iibaut si, mänggisch offe as Vorblatz, Balkon oder Therasse.

S Huus isch 1993 renowiert worde und ins kantonale Dänggmolverzäichnis cho.

Kwelle

• Haus Huber uf citymobile.ch, abgrüeft am 9. Juni 2014

Weblingg

• Felix Steininger: Haus Huber. In: Gemeinde Lexikon Riehen

47.5736361111117.6481666666667