Ibikon
Ibike isch e Wyler i dr Gmeind Risch im Kanton Zug.
D Ortschaft ligt am nördlichen Ändi vom Rooterbärg, a der Strooss vom Doorff Rootchrüüz uf Meierschappel und is Doorff Risch.
D Sidlig isch vo den Alemanne im früene Mittelalter gründet worde, wie me wägem Ortsname cha dänke. Anne 1189 chunt dr Name Ipinchon in ere Urkunde zum erschte Mol vor, wo drmit öppis Land a dämm Oort vo de Habsburger em Chlooschter Muri gschänkt wird.
S Wirtshuus z Ipinchon isch vo de Habsburger a s Stift z Luzärn choo, und e Puurehof as Chlooschter Ängelbärg. D Stadt Luzärn het dä Hof und s Wirtshuus anne 1406 gchauft und drum dänkt, Ipinchon ghöri jetz ganz zu synere Herrschaft. S Piet ringsume isch aber scho bi der Stadt Zug gsi, und bim Striit zwüsche de beeden eidgenössische Stedt het e Delegazioon vo den andere alten Oort müesse cho entscheide, und so isch Ibike zuugerisch blibe.
1798 isch dr Wyler dr Gmeind Risch zueteilt worde.
Literatur
ändere- Wilhelm Josef Meyer: Ibikon. In: Historisch-Biographisches Lexikon der Schweiz. Band 4, Neuenburg 1927, S. 329.