Irene Fischer

D Irene Fischer (* 24. Dezämber 1959 z Frankfurt am Main) isch e dytschi Schauspiileri un Draaibuechaurtori.

LääbeBearbeite

Noch em Abituur anne 1979 an dr Internatsschuel Birklehof het si vu 1979 bis 1983 e Uusbildig zur Schauspiileri z Minche un z Prag absolviert. Derno isch d Fischer am Minchner Residenztheater uf dr Biini gstande, wu si unter anderem mit em Reschiseer Ingmar Bergman zämegschafft het.[1]

Iri eerscht Roll het si 1963 mir drei Joor im Film Die Glatzkopfbande ghaa[2] 1975 het si in dr DEFA Produkzioon Der Staatsanwalt hat das Wort: Hilfe für Maik mitgwiirkt. Anne 1984 het si di wyybli Hauotroll im Experimäntalfilm Tunguska – Die Kisten sind da vum Christoph Schlingensief ibernuu.

Si het au in Solaris TV mitgwiirkt, ere 6-dailige Seerine (Eerschtuusschtraalig im Dezämber 1986), wu vu me Piraatesänder handlet, wu vun ere Wöltruumstazioon uus e verruckt Brogramm sändet. Si het d Roll vu dr Sunny gspiilt. Solaris TV isch als am Sunttigmoorge in dr ARD uusgschtraalt woore.

Vu 1987 (Folg 61) bis 2020 (Folg 1758) het d Irene Fischer d Roll vu dr Anna Ziegler in dr Fäärnseeseerine Lindenstraße gspiilt. Vu 1999 bis 2016 het si au Draaibiecher fir d Seerine gschriibe.[3] Zäme mit dr Dorothee Schön het si vorhäär scho d Draaibiecher fir dr Kinofilm Bumerang-Bumerang (1989, Reschy: Hans W. Geißendörfer) un dr Fäärnseefilm Dr. Mad (1997, Reschy: Jürgen Bretzinger) gschriibe.

D Fischer, wu in dr Lindenstraße d Mueter vun eme Bue mit Down-Syndrom gspiilt het, engaschiert si syt vyl Joor zäme mit irem friejere Lindenstraße-Kolleeg Joachim Hermann Luger fir Mänsche mit däre geneetische Veraalaagig.[4][5] 2013 isch si Bootschafteri vu dr Antidiskriminierigsstell vum Bund fir Mänsche mit Behinderig.

D Irene Fischer isch mit em Dominikus Probst, eme Reschiseer vu dr Lindenstraße, ghyroote. S Baar het drei Chinder un woont z Kilchzaarte.

WeblinkBearbeite

FueßnoteBearbeite

  1. Irene Fischer DasErste.de, abgruefen am 16. Juni 2013.
  2. Filmdetails: Die Glatzkopfbande (1962). Abgruefen am 8. März 2020.
  3. Sophie Seitz: Irene Fischer spielt "Anna Ziegler". 2. November 2010 (wdr.de [abgerufen am 19. März 2018]).
  4. Projekte mit Promis Dytsch Down-Syndrom Infocenter, abgruefen am 16. Juni 2013.
  5. Interview mit Irene Fischer Internetsyte vu dr Bundesvereinigung Lebenshilfe, abgruefen am 12. Augschte 2016.
  Dä Artikel basiert uff ere fräie Übersetzig vu dere Version vum Artikel „Irene_Fischer_(Schauspielerin,_1959)“ vu de dütsche Wikipedia. E Liste vu de Autore un Versione isch do z finde.