Hauptmenü ufmache

D Isabell Huber (* 27. Augschte 1987 z Hailbrunn) isch e dytschi Bolitikeri (CDU) un syt Jänner 2019 Mitglid im Landdag vu Bade-Wirttebärg.

Inhaltsverzeichnis

LääbeBearbeite

D Huber isch z Wüeschterot ufgwachse. Anne 2007 het si am Justinus-Kerner-Gimnasium z Weisberg s Abitur gmacht.

An dr Hochschuel Kähl het si ne Uusbildig zum ghobene Verwaltigsdienscht gmacht (Bachelor of Arts – Public Management) un derno vu 2011 bis 2015 bim Haupt- un Personalamt vu dr Stadtverwaltig Stuegert gschafft. Näb em Beruef het si 2013 bis 2016 an dr Hochschuel fir effentligi Verwaltig un Finanze z Ludisburg ne Master gmacht (Master of Arts – Public Management). Vu 2015 bis 2018 het si as Persenligi Mitarbaiteri vum Amtslaiter bim Haupt- un Personalamt vu dr Stadtverwaltig z Stuegert gschafft. 2018 bis aafangs 2019 isch si in Elterezyt gsii.

D Huber isch ghyrote un het e Dochter (* 2018). Si läbt mit ihre Familie z Stuegert.

BolitikBearbeite

DIsabell Huber sich vu 2013 bis 2014 Chraisvorsitzeri vu dr Junge Union z Hailbrunn gsii un vu 2013 bis 2015 Bysitzer im Bezirksverband Nordwittebräg vu dr Junge Union. Vu 2013 bis 2015 isch si derzue Mitglid im Chraisvorstand vu dr CDU Haibrunn gsii un Bysitzer im CDU-Bezirksverband Nordwirttebärg.

Bi dr Landdagswahl 2016 isch si im Wahlchrais Neckersulm as Ersatzkandidati vum Bernhard Lasotta aaadrätte, wu s Erschtmandat gwunne het. Wu dr Lasotta am 11. Jänner 2019 gstorbe isch, isch d Huber zum 22. Jänner in LAnddag noogruckt. Im Landdag isch si Mitglid im Uusschuss fir Sozials un Integration un im Uusschuss fir Europa un Internationals.

Sunschtis EngaschmäntBearbeite

  • Mitglid bi dr Europa-Union Deutschland e. V.
  • Mitglid im Jugendförderverein Wüstenrot e. V.
  • 2010 bis 2013: Landesgschäftsfiereri bi dr Junge Europäern - JEF Baden-Württemberg e. V.
  • 2008 bis 2009: Stellverdrättendi Vorsitzeri vum Chraisverband Kähl vu dr Junge Europäer – JEF Baden-Württemberg e. V.

WeblinkBearbeite