Jean-Georges Mieg

elsassischer Historiker un Fàwrìklaiter
Dialäkt: Mìlhüüserdiitsch

Dr Jean-Georges Mieg ( frz. Üüsschprooch loosa?/i; * 10. Oktoower 1788 ìn dr Schtàdtrepüblik Mìlhüüsa; † 14. Oktoower 1864 z’ Plan-Dessous, Gmaind Corsier, Kàntoon Waadt) ìsch a elsassischer Historiker un Fàwrìklaiter gsìì.

sii LaawaBearbeite

Dr Jean-Georges Mieg ìsch ànna 1788 z’ Mìlhüüsa-n-uff d’ Walt kumma. Ar ìsch dr Suhn gsìì vum Handler un Fàwrìkbsìtzer Mathieu Mieg (1756–1840) un dr Brüader vum Mooler Jean Mieg. Ar hàt bii siim Vàtter ìm Mieg-Hüüs àm Mìlhüüser Roothüüsplàtz gwoohnt. Ar ìsch ìn d’ Grundschüal ìn siinera Haimetschtàdt gànga. Ìn siina Jugendsjoohra-n-ìsch’r ànna 1801 z’ Vevey-n-ìm Kàntoon Waadt ìn dr Schwiiz gànga, fìr Frànzeesch larna. Därt ìsch’r bis 1803 blìewa. Ànna 1806 ìsch’r z’ Pàriis gsìì. Drnooh hàt’r bii Ààcha-n-ìm Diitschlànd Tüachwaawaräi glarnt. Ànna 1810 hàt’r siina aigena Fàwrìk ìm Frànkrììch grìnda, àwwer hàt Bànkrott gmàcht, dänn ’s ìsch ìm Lànd a Wìrtschàftskriisa gsìì. Drnooh hàt’r ìm Betriib vu siim Vàtter gschàfft; doo ìsch’r ànna 1818 Tailhààwer worra. Schpeeter hàt’r bis züa siim Tood dàs Unternamma glaita. Züadam ìsch dr Mieg ain Joohr làng Mìtglìed ìm Mìlhüüser Schtàdtroot gsìì, vu Septamber 1830 bis ìm Oktoower 1831.

Wia sii Vàtter un sii Brüader hàt dr Mieg ìn siinera Fräizitt garn zaichent un gmoolt. Mìt Wàsserfàrb hàt’r a pààr Làndschàfta gmoolt. Ar hàt àui fìr d’ diitschproochiga Zittschrìft Elsässische Samstagsblatt gschrìewa.

Dr Jean-Georges Mieg ìsch ànna 1864 ìn dr Schwiizer Gmaind Corsier-n-ìm Kàntoon Waadt gschtoorwa. Beardigt worra-n-ìsch’r ìm protäschtàntischa Frìedhoof z’ Mìlhüüsa. Dr Mieg ìsch mìt dr Elisabeth Blech (1792-1879) verhiirootet gsìì. Ar hàt viar Kìnder ghàà, drunter d’ Élisabeth (1814-1893), wo dr bekànnta Schtaidrucker Godefroy Engelmann ghiiroota hàt.

Ànna 1844 hàt sii Brüader Jean a Porträä vun ìhm gmoolt.[1]

d’ Biacher, wo-n-’r gschrìewa hàtBearbeite

Uff Hoochdiitsch hàt dr Jean-Georges Mieg d’ Biacher doo druff gschrìewa:

  • Miegisches Familien-Büchlein: Den Nachkömmlingen des Herrn Matheus Mieg gewidmet zum Neujahrsgeschenk für 1841, 1841 —ìwwer d’ Fàmìlia Mieg
  • Das Stammhaus: Den Nachkömmlingen des Herrn Matheus Mieg gewidmet zum Neujahrsgeschenk für 1843, 1842
  • Chronologische Auszüge über Mülhausen vom Jahr 1220 bis 1848: Seinen Bewohnern angeboten den 15. Merz 1848, fünfzig Jahre nach Mülhausens Vereinigung mit Frankreich, 1848
  • Beitrag zum Andenken an die deutsch-protestantische St-Stephanus Kirche, 1862 —ìwwer d’ reformiarta Schtefànskìrìch z’ Mìlhüüsa

Ar hàt àui a Chroonik vu dr Zitt vu 1817 bis 1860 gschrìewa; sa ìsch àwwer nìmm veräffentligt worra.

LìteràtüürBearbeite

WeblìnksBearbeite

AinzelnoohwiisaBearbeite

  1. tableau : portrait de Jean Georges Mieg. In: Base Palissy. Frànzeesch Kültüürminìschterium, abgruefen am 19. Juni 2022 (französisch).