Johann Jakob Schaub
Dr Johann Jakob Schaub isch am 21. Dezämber 1828 z Ütige uf d Wält cho und am 18. Augschte 1910 z Gälterchinde gschtorbe. Är isch reformiert, Bürger vo Ütige und Leerer gsi.
Sys Läbe ändere
Dr Johann Jakob Schaub isch dr Soon vom Johannes Schaub, Posimänter und Chlybuur, und dr Anna Madörin gsi. Im Joor 1855 het är d Anna Maria Zeller vo Lieschtel ghürotet. Är isch in d Bezirksschuel z Böckte und drno ins Wälsche gange zum französisch leere. Sy Soon isch dr Volksschtimm-Verleger Jakob Schaub gsi.
Sy Bruef ändere
Dr Johann Jakob Schaub isch ans Leererseminar z Wettige (Augustin Keller) gange. Drno het är 1850 als Volksschuelleerer z Türne gschafft, z Arschdf 1851-54, z Üttige 1864-71 und z Gälterchinde 1854-64 und 1871-1910. Är isch im obere Kantonsteil e bekannte Leerer gsi. Z Gälterchinde het är au Französisch- und Gygeunterricht gee und het als Gmeinischryber g`amtet. Är het no buuret, bsunders dr Rebbou und d Baumzucht hei yn intressiert. Är het d Heimetkund vo Gälterchinde 1864 verfasst. 1882 isch är es Mitglyd vom Gründigskomitee vo dr Zytig „Volksstimme von Baselland“ gsi. Im Armenerzyeigsverein Baselland isch är im Vorschtand gsässe. Vo 1884 bis 1905 isch är Kassier vo dr Wasserversorgig z Gälterchinde gsi.
Literatur ändere
- Zur Erinnerung an J. J. Schaub, Druckschrift 1910
- Schaub-Erny J. in: Volksstimme 3.3.1950. & Volksstimme 4.10.1957