Jakob Schaub

Dr Jakob Schaub isch am 2. Novämber 1862 z Gälterchinde uf d Wält cho und am 3. Merze 1950 z Sissech gschtorbe. Är isch reformiert, Bürger vo Ütige und Verleger gsi.

Sys Läbe

Dr Jakob Schaub isch dr Soon vom Johann Jakob Schaub, Leerer und dr Anna Maria Zeller gsi. Im Joor 1888 het är d Elisabeth Buser vo Sissech ghürotet. Är isch z Gälterchinde in d Primarschuel und z Böckte in d Bezirksschuel gange.

Sy Bruef

Dr Jakob Schaub het z Gälterchinde e Schriftsetzerleer gmacht. Drno het är sich z Büelach zum Buechdruker wyterbildet. Är het z Basel bi de „Basler Nachrichte“ und z`Züri gschafft.

Unternämer

Im Joor 1885 het är dr Uftrag übercho, d „Volksstimme von Baselland“ wo 1882 gründet worde isch, z druke. Do drzue het är im Hans Schneider si Drukerei z Sissech überno. Im Joor 1900 het är vom Herusgäberkomitee vo dere Zytig s Verlagsrächt abgchauft und het d Volksschtimm vo denn a sälbschtändig redigiert und usegee. 1904 het är es nöis Geböi an dr Sissecher Hauptschtross bezoge. Meer als sächzg Joor isch dr Jakob Schaub für d Volksschtimm tätig gsi und het sich in die Zytig ybrocht. Nodem 1928 dr „Baselbieter“ ygange isch, blybt d Volksschtimme die einzig «abonnierti Zytig» im obere Kantonsteil.

Literarischi Verwys

• Nachrufe: Volksstimme 3.3.1950 Basellandschaftliche Zeitung, Basler Nachrichten und National Zeitung 4.3.1950
• Wirz Eduard in: Volksstimme 4.10.1957
• Schaub Hj. in: Volksstimme 29.9.1982

Weblink

• Dr Jakob Schaub im Personelexikon vom Kanton Basel Landschaft (Site cha nüme abgrüeft wärde; Suche im Webarchiv)[1] [2] Vorlage:Toter Link/www.baselland.ch